ಅನುವಾದ:ಕಂಬಳ ಪಾಡ್ದನ

←

ಧರ್ಮ ದೈವ ಪಾಡ್ದನ

ಕಂಬಳ ಪಾಡ್ದನ
translated from Tulu by Wikisource

ಓ ಬೇಲೆ ಪಾಡ್ದನ

→

sister projects: Commons gallery, Wikidata item.

ತುಳು ಸಾಹಿತ್ಯ ಪಾಡ್ದನ

95638ಕಂಬಳ ಪಾಡ್ದನWikisource

ಕಂಬಳ ಪಾಡ್ದನ

ಹಿರಿಯಕ್ಲೆನ ಕಾರ್ ಪತ್ದ್ ಹಿರಿಯಕ್ಲೆನ ಒಂಜಿ ಪಾಡ್ದನ ಪನ್ಪೆ
ಕಂಬ್ಳದ ಎರು ಕೊನಪುನ ಸ್ವಾಮಿ ಹಿರಿಯಕ್ಲೆನ್ ಕಾತೊಂದು ಬಲೆ ಸ್ವಾಮಿ
ನಮ್ಮೂರ ಕಂಬುಳದೇ ಓ ಮಾಯಿಲಲೊ ಲೂರಎರುಎಡುಕೊಂಡ್ಪೂನಗ
ನಮ್ಮೂರ ಕಂಬುಳದೇ ಓ ಮಾಯಿಲ ಇತ್ತೆಲ ಎರುಬರ್ಪುಂಡ್ ಯಾ.....
ಇತ್ತೆಲ ಏರು ಬನ್ನಗಾ ಓ ಮಾಯಿಲ ನಮ್ಮ ಬೊಳ್ಳೆ ಮೆಲ್ಲೆರಿಪೊಯ
ಓ ಲೆ ಲೆಲ ಲೆ ಲೆ ಲೆ ಲ ಲಾ ಓ ಮಾಯಿಲ ಲೆ ಲೆಲ ಲೆ ಲೆ ಲ ಲಾ

ಓ ಉಲ್ಲಾಯ ಲೆತ್ತೆರ್ಂದೇ ಓ ಲೆಪ್ಪುಲು ಲೆತ್ತೆರ್ಂದೇ
ಓ ಮಾಯಿಲ ದಾಯ್ತ ಬೇಲೆಂದ್ ಕೆನ್ ಲಾಯಾ
ಓ ಲೆ ಲೆಲ ಲೆ ಲೆ ಲೆ ಲ ಲೊ ಓ ಮಾಯಿಲ ಲೆ ಲೆಲ ಲೆ ಲೆ ಲ ಲಾ

ಓ ದಾದೆಂದ್ ಕೆನ್ ಲಯಾ ಓ ಲೆಪ್ಪುಲೆ ದಾಯ್ತೆ ಗ್ ಲೆತ್ತಾರ್ ಯೇ
ನಮ್ಮೂರ ಕಂಬುಳದೇ ಓ ಮಾಯಿಲ ಇತ್ತೆಲ ಎರುಬರ್ಪುಂಡ್ ಯಾ.....
ಇತ್ತೆಲ ಏರು ಬನ್ನಗಾ ಓ ಮಾಯಿಲ ನಮ್ಮ ಬಲ್ ನ್ ಪೊರ್ಲು ತೂವೊಡೆ
ಓ ತೋಜಿದ್ ತೋಟನೆಯಾ ಓ ಮಾಯಿಲ ದೈ ಕಂತ್ ದೀತ್ಂಡಯಾ
ಓ ದೈ ಕಂತ್ ಕೌಂತ್ಂಡಯಾ ಓ ಮಾಯಿಲ ಬುಲೆವೊಂದ್ ಲುಂಡುಯಾ....
ಓ ತಿಪಿಲಿ ಕಟ್ಟಿ ಪತ್ತೊನ್ ಲಾ ಓ ಮಾಯಿಲ ಪರ್ಕದ ಪಟ್ಟಿ ದೆತ್ತೊನ್ ಲಾ
ತೋಜಿದ್ ತೋಟೊಗ್ ಲಾ ಓ ಮಾಯಿಲ ಒ ದೈ ಪಂಡ್ದ್ ತೂಚೊನ್ಯಾ
ಓಐನ್ ಅರ್ಕೆಲ್ ಪಂತಿಲಾಯಾ ಓ ಮಾಯಿಲ ನಮ್ಮ ಬೊಳ್ಳಗ್ ಕೊಂಡು ಬರೊಡಾ
ಓಮುಗುರು ಪಂತಿಲಾಯಾ ಓ ಮಾಯಿಲ ಕೊಂಡುದ್ ಬರೊಡುಂದೇ
ಓ ಉಲ್ಲಾಯ ಪಂಡರ್ ಯಾ ಓ ಮಾಯಿಲಡ ಉಲ್ಲಾಯ ಪಂಡರ್ ಯಾ

ಓ ಪಿಪಿಲಿ ಕಟ್ಟಿ ಪತ್ತೊಂಡೆನಾ ಲೇ ಓ ಮಾಯಿಲ ಪರ್ಕದ ಪಟ್ಟಿ ದೆತ್ತೊನ್ ಲೇ
ದೆತ್ತೊಂದ್ ಪೊಪೆೇನಯಾ ಓ ಮಾಯಿಲ ದೈ ಪಂಡ್ದ್ ತೂಚೊಗ್ ಲಾ
ಓ ಐನ್ ಅರ್ಕೆಲ್ ಪಂತಿಲಾಯಾ ಓ ಮಾಯಿಲ ಬಿರೆಲ್ ಡ್ ದಿದ್ದೊಂಡೆನಾ
ಬಿರೆಲ್ ಡ್ ದಿದ್ದೊಂಡೆನಾ ಓ ಮಾಯಿಲ ಬಾರೆದ ಬಲ್ಲ್ ಒಯಿತೊಂಡೆನಾ
ಬಾರೆದ ಬಲ್ಲ್ ಒಯಿತೊಂಡೆನಾ ಓ ಮಾಯಿಲ ಐನ್ ಅರ್ಕೆಲ್ ಪಂತಿಲಾಯಾ
ಐನ್ ಅರ್ಕೆಲ್ ಪಂತಿಲಾಯೆ ಓ ಮಾಯಿಲೇ ಬಗ್ಗ್ ದ್ ಕೋಯಿತೋಂಡೆನಾ
ಬಗ್ಗ್ ದ್ ಒಯಿತೋನುಲೇ ಓ ಮಾಯಿಲೇ ಓ ಬಗ್ಗ್ ದ್ ಬಿಗಿತೋಂಡೆನಾ

ಓ ಕೊಂಡುದ್ ಬರುವೆನಯಾ ಓ ಮಾಯಿಲ ಬೊಲ್ಲಗ್ ಪಾಡೊಂಡೆನಾ
ಬೊಲ್ಲಗ್ ಪಾಡೊಂಡೆನಾ ಓ ಮಾಯಿಲೇ ಮರಯಿದಟ್ಟೆಗ್ ಮೈತೊಂಡೆನಾ
ಮರಯಿದಟ್ಟೆಗ್ ಮೈತೊಂಡೆಲಾ ಓ ಮಾಯಿಲೇ ಪುಲ್ಲು ಪಟ್ಟಿ ಕುಡುತೊಂಡೆನಾ
ಓನಮ್ಮ ಬಲ್ಲಗ್ ಪಡ್ಡೆಯಿಯಾವೊಡೇ ಓ ಮಾಯಿಲ ಓನಮ್ಮ ಬಲ್ಲಗ್ ಪಡ್ಡೆಯಿಯಾವೊಡು
ಒಯಿರಾಗ್ ಪೆದ್ದ್ ದ್ ಪೊವೊಡುಯಾ ಓ ಮಾಯಿಲಾ ಬೊಲ್ಲದಕುಲು ಪಡ್ಡೆಯಿಲಾ
ಓ ಕೊಂಡುದು ಬರೋಡುಯಾ ಓ ಮಾಯಿಲಾ ಲೆ ಲೆಲ ಲೆ ಲೆ ಲ ಲಾ
ಓ ಲೆ ಲೆಲ ಲೆ ಲೆ ಲೆ ಲ ಲೊ ಓ ಮಾಯಿಲ ಲೆ ಲೆಲ ಲೆ ಲೆ ಲ ಲಾ

ಓ ನಮ್ಮ ಬಲ್ಲಗ್ ಪಡ್ಡೆಯಿಯಾವೊಡು ಓಈರಾದ್ ದಂಟಾದ್ ಪೊವೊಡುಂದ್
ಓ ಮುಂಡೊಡು ಮುಂಡಾಲೆಲು ಓ ಮಾಯಿಲಾ ಕೆಕ್ಕಿಲ್ ಡ್ ಗೆಜ್ಜೆ ಬಲ್ ಯಾ
ಓ ಕಾರ್ ಗ್ ಸಂಕಲೆಲು ಓ ಮಾಯಿಲಾ ನಾಲಾಯಿದ ತುಂಡು ಬಲಾಯಾ
ಓ ಬಾರೆ ಪಟ್ಟೆ ಸೀರೇನಯಾ ಓ ಮಾಯಿಲಾ ಬೆರಿಕ್ ಲಾಯೆರ್ ಪಾಡೊಡಾಂಡೇ
ಓ ಲೆ ಲೆಲ ಲೆ ಲೆ ಲೆ ಲ ಲೊ ಓ ಮಾಯಿಲ ಲೆ ಲೆಲ ಲೆ ಲೆ ಲ ಲಾ

ಈರೆಗ್ ಬೆಂದ್ ದ್ ಪೋವೊಡಾಂಡೇ ಓ ಮಾಯಿಲೇ ಪದ್ದೇಯಿ ಮಲ್ಪಾಯೆನಾ
ಪದ್ದೇಯಿ ಮಲ್ಪಾಯೆನಾ ಓ ಮಾಯಿಲೇ ಪೊಂಡಂಚ ಬರುವೆನಯಾ
ಓ ಬೊಲ್ಲನ ನನಾಂಡಲಾ ಓ ಮಾಯಿಲೇ ಐತ ಸಿಂಗಾರ ಮಲ್ಪುವೆನಾ
ಓ ಇತ್ತೆಲಾ ಏರು ಬರ್ಪುಂಡುಯಾ ಓಉಲ್ಲಾಯೆ ಲೆಪ್ಪುಲುಲ್ಲಯೆ ಬರ್ಪೆರ್ಯಾ
ಓ ಲೆಪ್ಪುಲುಲ್ಲಯಾ ಬನ್ನಾಗಾಲಾ ಓ ಮಾಯಿಲೇ ಬೇಗ ಬೇ ಬರ್ ಕಂಜಿಲಾ

ಮರಾಯಿಗ್ ಅರ್ ಕಂಜಿ ಮೈತೊಂಡೆನಾ ಓ ಮಾಯಿಲೇ ಪುಲ್ಲು ಪಟ್ಟಿ ಮೆರ್ಕೊಂಡೆಯಾ
ಪುಲ್ಲು ಪಟ್ಟಿ ಮೆರ್ಕೊಂಡೆಯಾ ಓ ಮಾಯಿಲೇ ಪೊಂಡಂಚ ಪಾಡೊಂಡೆನಾ
ಓ ನಮ್ಮ ಬಲ್ಲಗ್ ನನಾಂಡಲಾ ಓ ಕಂಬುಲಾಗ್ ಜಪಪೊಂಡು ಪಂಡ್ ಲಯಾ
ಓ ದೆಪ್ಪುಲುಲ್ಲಾಯಾ ಪನ್ಪೆರ್ ಯಾ ಓ ಲಾಯಿಡಾ ಮಾಯಿಲಾಡ ಕೆನೊಡುಯಾ
ಓ ಲೆಪ್ಪುಲುಲ್ಲಯಾ ಬನ್ನಾಗಾಲಾ ಓ ಲಾಯಿಡಾ ಕಿದೆಬರಿಟ್ ಪೋವೊಂಡೆನಾ

ಕಿದೆಬರಿಟ್ ಪೋವೊಂಡೆನಾ ಓ ಮಾಯಿಲೇ ಬಲ್ಲಗ್ ಪೊವೊಂಡೆಲಾ
ಏರು ಬನ್ನಾಗಾ ಓ ಮಾಯಿಲೇ ಎರು ಜಪ್ಪುನಾಗಾ
ಓ ನಮ್ಮ ಬಲ್ಲಾಗ್ ಜಪ್ಪಾವೊಡು ಓ ದೆಪ್ಪುಲುಲ್ಲಾಯ ಒಂಜಾಂಡ ಪಂಡೊಂಡಲಾ
ಓ ದೆಪ್ಪುಲುಲ್ಲಾಯ ಪನ್ನಾಗಲಾ ಓ ಮಾಯಿಲೇ ಕಂಡೊಗ್ ಜಪ್ಪಾವಂದೇ
ಓ ಅವುಲು ಕೇಂಡಾನಗಾ ಓ ಅಲ್ಪ ಜಪ್ಪಾನಗಾ ಓ ಮಾಯಿಲೇ ಸ್ವರ ನನ ಕೋರೋಂಡೆಸಾ
ಓ ನಮ್ಮ ಬೊಲ್ಲ ಮೆಲ್ಲೆರಿಪೊವೊಡು ಓ ಮಾಯಿಲ ನಮ್ಮ ಬೊಲ್ಲ ಮೆಲ್ಲೆರಿಪೊವೊಡು
ಹೊಹೊ ಹೊ ಹೊ ಓ ಓ ಓ

In progress

This work is a translation and has a separate copyright status to the applicable copyright protections of the original content.

Original:

This work is released under the Creative Commons Attribution-ShareAlike 4.0 International license, which allows free use, distribution, and creation of derivatives, so long as the license is unchanged and clearly noted, and the original author is attributed—and if you alter, transform, or build upon this work, you may distribute the resulting work only under the same license as this one.

Public domainPublic domainfalsefalse

Translation:

This page does not provide license information for the translation.

Pages with no license information may be nominated for deletion. If you'd like to help, see Help:Copyright tags or comment.

Public domainPublic domainfalsefalse