ಕನ್ನಡ ಪರಮಾರ್ಥ ಸೋಪಾನ
ಕಲ್ಲಿನಲಿ ಕಲ್ಪವೃಕ್ಷ ಕಾಣಾ | ಬೇಡಿದ ಫಲಗಳ 1 ಕೊಡುವ ಬೀದ ಉಂಟು ನೋಡಣ್ಣಾ ||
ಗುರು ಲಿಂಗ ಜಂಗಮ ಚರಣ | ಹೊಂದಿಡೋ ಎಂದಿಗಗಲದೆ | ಬೆಲ್ಲ ಸವಿಯು ಕೂಡಿದಂತೆ | ಕೂಡಿಕೊಳ್ಳೋ ನೀನು ಇಲ್ಲೆ
ಅನಾಹತನಾದವು ಎಲ್ಲ ವಿಕಾರ ಕಾಮನೆಗಳನ್ನು ನಾಶಗೊಳಿಸುವದು (ರಾಗ-ಮಾಂಡ, ತಾಲ-ಕೇರವಾ )
ನಾದವ ಕೇಳುತ ನಿದ್ರೆಯ ಮಾಡುವ | ಬ್ರಹ್ಮವು ತಾನಾಗಿ ||
ನಾದವ ಕೇಳಲು ನಾನಾ ಗುಣಗಳು | ಹೋದವು ತಾವಾಗಿ
ಕೂಡಿತು ದೃಷ್ಟಿ ಪರಬ್ರಹ್ಮದೊಳು ತಾ | ಅನುದಿನದಲ್ಲಿ ಬೇಗೀ ||
ಮನಸೇಂದ್ರಿಯಗಳು ಹುಡುಕಿದರಿಲ್ಲಾ | ಹೋದವು ತಾವಾಗಿ
ನಾನಾ ವರ್ಣದ ಛಾಯವ ನೋಡುತ | ನಿದ್ರೆಯ ಮಾಡಿದೆನೋ ||
ಭಾನುಕೋಟಿ ಪ್ರಕಾಶದ ಬೆಳಕಲಿ ನಾದವ ಕೇಳಿದೆನೋ
ಕಾಣದ ರೂಪವು ಕಾಣುತ್ತಲೆ ನಾ | ಕಾಮಿಸಿ ಮಲಗಿದೆನೋ ||
ಬೋಧ ಚಿದಾನಂದ ಸದ್ಗುರುನಾಥನ | ಧ್ಯಾನವ ಮಾಡಿದೆನೋ
ಪಾರಮಾರ್ಥಿಕ ಪರಮಾಮೃತದ ಸಿದ್ಧತೆಯನ್ನು ಬಣ್ಣಿಸುವ ಹಿರಿದಾದ ವಾಕ್ ಸಿದ್ಧಿಯ ರೂಪಕ (ರಾಗ-ಭೂಪ, ತಾಲ-ದೀಪಚಂದಿ)
ನೆಲ್ಲು ಕುಟ್ಟುಣು ಬಾರಮ್ಮಾ | ಇಬ್ಬರು ಕೂಡಿ
ನೆಲ್ಲು ಕುಟ್ಟುಣು ಬಾರೆ | ನಿಲ್ಲದೆ ಬೆನ್ನು ಹತ್ತಿ | ಹನ್ನೆರಡು ಹದಿನಾರು ನಲ್ಲೆಯರು ಕೂಡಿಕೊಂಡು
