ಈ ಪುಟವನ್ನು ಪರಿಶೀಲಿಸಲಾಗಿಲ್ಲ.
828 ಕರ್ಣಾಟಕ ಕವಿಚರಿತ
[17 ನೆಯ
ನುಡಿಸಿದರೆ ನುಡಿದೆನಾಂ ಬೆಡಗುಗಳ ಗಡಣದಿಂ ಕಡುಸೊಬಗುವಡೆದ ಕೃತಿಯ ||
ಮೃಡಶರಣರರಿಗೆಆಗಿ ಸಡಗರದೊಳೊಡರಿಸುವೆ |
ಬಿಡದೆ ತಪ್ಪಡಸಿಬಂದೊಡೆ ಕಲಿಸಿ ನಡೆಗೊಳಿಸಿ |
ಮೃಡಭಕ್ತಿಗೊಡಲಿತ್ತು ಪಡೆದರ್ಧ ಕೆಡದರ್ಧಕೆಡೆವೆತ್ತ ದೃಢಚಿತ್ತರು ||
ಶ್ರುತಿಯ ಸೊಬಗುಗಳ ಸಂಗತಿಯ ಸಾರದ ಮಹೋ |
ನ್ನ ತಿಯನುಪಮಾನಂದರತಿಯ ರಂಜಕದ ಗಿರಿ |
ಸುತೆಯು ನಿಜಪತಿಯ ಘನನುತಿಯ ಚದುರತೆಯ ಪದಗತಿಯ ಸತ್ಕ್ರತಿಯ ಕಥೆಯ ||
ಕ್ಷಿತಿಯೊಳಗೆ ಮೆಳವಂತುಟತಿಮುದದೊಳೆನ್ನ ಬಡ |
ಮತಿಗೆ ತಕ್ಕಂತೆ ನಾಂ ನುತಿಸುವೆನ' ನತಿ ಕೇಳಿ |
ಸಿತಗಳನ ಕವಿಗಳಪ್ರತಿಯೆನಿಸುತಿರ್ದ ವಸುಮತಿಯೊಳಗೆ ಗತಿಗೊಳಿಪುದು ||
__ __ __ __
ದೊಡ್ಡ ಷಡಕ್ಷರಿಸ್ವಾಮಿ ಸು 650
ಈತನು ವಚನಗಳನ್ನು ಬರೆದಿದ್ದಾನೆ. ಇವನು ವೀರಶೈವಕವಿ; ನಂಜನಗೂಡು ನಂಜುಂಡೇಶ್ವರನನ್ನು ಸ್ತುತಿಸುತ್ತಾನೆ; ಆ ಸ್ಥಳದವನಾಗಿರಬಹುದೋ ಏನೋ ತಿಳಿಯದು. ಇವನು ಸುಮಾರು 1650 ರಲ್ಲಿ ಇದ್ದಿರಬಹುದೆಂದು ಊಹಿಸುತ್ತೇವೆ.
ಇವನ ಗ್ರಂಥ
ವಚನಗಳು
ವಚನಗಳು ಎಂಬ ಹೆಸರಿದ್ದರೂ ಈ ಗ್ರಂಥವು
ಹಾಡಿನರೂಪವಾ
ಗಿರುವ ಪಟ್ಟದಿಯಲ್ಲಿ ಬರೆದಿದೆ; ಪ್ರಯಿಕವಾಗಿ ನಂಜನಗೂಡು ನಂಜುಂ
ಡೇಶ್ವರ, ಪಾರ್ವತಿ ಅವರುಗಳ ಸ್ತುತಿರೂಪವಾಗಿದೆ. ಕೆಲವು ಪದಗಳು
ಶಿವಪೂಜಾಪದ್ಧತಿಯನ್ನು ವಿವರಿಸುತ್ತವೆ. ಒಂದೆರಡು ಪದ್ಯಗಳನ್ನು ಉದಾ
ಹರಿಸುತ್ತೇವೆ_ _
ವರಗಿರಿಜಾನನಸರಸಿರುಹಾರ್ಕನೆ | ಕರುಣಾರಸಮಯನಿರುಪಮಮಹಿಮನೆ |
ನಿರಘಚರಿತ್ರನೆ ಕಪಿಲಾಕ್ಷೇತ್ರದ ಗರಳವುರಾಧಿಪನೆ ||
ಗರುವನೆ ಘನಗಂಭೀರನೆ ಧೀರನೆ | ಶರಣಾಗತಜನಪಾಲನೆ ಲೋಲನೆ |
ನರಸುರವಂದ್ಯನೆ ಪರತರನಂಜುಂಡೇತ ಕೃಪಾಕರನೆ ||
