________________
ನಡವಳಿ ೬೫ ವುದು, ಇತರರಲ್ಲಿ ದಯೆಯಿಡುವುದೆಂದರೆ ಕೇವಲ ದೊಡ್ಡ ಕೆಲಸಗಳನ್ನೇ ಮಾಡಿ ಮರುಕವನ್ನು ತೋರಿಸಬೇಕೆಂಬುದೇನೂ ಇಲ್ಲ, ದಯೆಯಿಂದ ಎಂಥ ಸಣ್ಣ ಪುಟ್ಟ ಕೆಲಸಗಳನ್ನಾದರೂ ಮಾಡಬಹುದು. ಅದಿಲ್ಲದೆ ದೊಡ್ಡ ದೊಡ್ಡ ಕೆಲಸಗಳನ್ನ ಮಾಡಿ ದಯಾಗುಣವನ್ನು ತೋರಿಸೋಣ ಎಂದು ನಾವು ಎದುರುನೋಡುತ್ತಿದ್ದರೆ ದಯೆಯಿಂದ ಮಾಡಬಹುದಾದ ಹಲವು ಸಣ್ಣ ಪುಟ್ಟ ಕೆಲಸಗಳನ್ನು ನಡೆಯಿಸಲಿಕ್ಕೆ ಆಗದೆಹೋದೀತು. ಆದುದರಿಂದ ಯಾವ ಅಲ್ಪಕಾರವನ್ನೇ ಆದರೂ ದಯೆಯಿಂದ ಮಾಡುತ್ತಾ ಬಂದರೆ ಅದರಿಂದ ಬರುವ ಪುಣ್ಯವೂ ಹೆಚ್ಚಾಗಿಯೇ ಇರುವುದು, ಒಂದು ದೊಡ್ಡ ಕಾಮ ಎಂದರೆ ಆಗ ಬಡವರಿಗೆ ಸಹಾಯ ಮಾಡೋಣವೆಂದು ನಿರೀಕ್ಷಿಸಿಕೊಂಡು ಈಗ ಸುಮ್ಮನಿರುವುದಕ್ಕೆ ಬದಲಾಗಿ ಬಾಯಾರಿದವರಿಗೆ ನೀರು ಕೊಡುವುದು, ಹಸಿದವರಿಗೆ ಅನ್ನವನ್ನಿಡುವುದು, ರೋಗಿಗಳನ್ನು ಚರಿಸುವುದು, ಸಂಕಟಪಡುತ್ತಿರುವವರಿಗೆ ಸಹಾಯಮಾಡುವುದು, ಪ್ರಬಲ ದಿಂದ ಮರ್ಬಲರಿಗೆ ಆಗುವ ಹಿಂಸೆಯನ್ನು ತಪ್ಪಿಸುವುದು, ವ್ಯಸನಪಡುತ್ತಿರು ವವರಿಗೆ ಸಮಾಧಾನ ಹೇಳುವುದು ಇಂಥ ಸಣ್ಣ ಪುಟ್ಟ ಕೆಲಸಗಳಿಂದಲು ದರೂ ನಮ್ಮ ದಯೆಯನ್ನು ತೋರಿಸುವುದು ಮೇಲಲ್ಲವೆ ? ದಯೆಯನ್ನು ತೋರ್ಪಡಿಸುವುದರಲ್ಲಿ ಎರಡು ಮಾರ್ಗಗಳುಂಟು (೧) ದಯಾಮಯವಾದ ಕಾಠ್ಯಗಳನ್ನು ಮಾಡಿಕೊಟ್ಟು ಸಹಾಯಮಾಡು ವುದು, (೨) ದಯಾಸೂಚಕಗಳಾದ ಮಾತುಗಳನ್ನಾದರೂ ಆಡಿ ಮರುಗು ವುದು. ಇವೆರಡನ್ನೂ ನಮಗಿಂತ ಮೇಲ್ಪಟ್ಟವರಲ್ಲೂ ಸರಿಸಮಾನಸ್ಕಂಧ ರಲ್ಲೂ ತೋರಿಸಿದಾಗ ಇದಕ್ಕೆ ಉಪಚಾರವೆಂಬ ಹೆಸರು ಬರುವುದು. ನಮ್ಮ ಗಿಂತ ದುರ್ಬಲರಲ್ಲಿ ಉಪಯೋಗಿಸಿದಾಗ ಮಾತ್ರ ದಯೆಯೆಂಬ ಹೆಸರು ಬರುವುದು ಆದರೆ ಹೀಗೆ ಹೆಸರುಗಳು ಬದಲಾಯಿಸಿದರೂ ಇದರಿಂದ ಆಗತಕ್ಕ ಫಲವೇನೋ ಒಂದೇ.
