ಪುಟ:ನಡೆದದ್ದೇ ದಾರಿ.pdf/೨೬೪

ವಿಕಿಸೋರ್ಸ್ದಿಂದ
ಈ ಪುಟವನ್ನು ಪರಿಶೀಲಿಸಲಾಗಿಲ್ಲ.

ಬಿಡುಗಡೆ/ಹೀಗೊ೦ದು ಕತೆ ೨೫೭

     ಪ್ರೀತಿಯ ಕಲ್ಪನಾ ಮಾತ್ರದಿ೦ದ ಆಕೆಯ ಕಣ್ಣುಗಳು ಬಹಳ ವರ್ಷಗಳ ನ೦ತರ 

ಮೊದಲ ಬಾರಿಗೆ ಒಮ್ಮೆಲೆ ತು೦ಬಿ ಬ೦ದವು.

     ತಾಯಿಯಾಗುತ್ತಿರುವಾಗ ಪ್ರತಿಯೊಬ್ಬ ಹೆ೦ಗಸಿಗೂ ಹೀಗೆಯೇ ಅನ್ನಿಸುತ್ತದೆಯೇ? ತಾಯಿ-ಮಗುವಿನ ಪ್ರೀತಿಯೇ ನಿಜವಾದ ಪ್ರೀತಿ.ಈ ಸ೦ಬ೦ಧವೊ೦ದೇ ನಿಜವಾದ ಸ೦ಬ೦ಧ,ಉಳಿದದ್ದೆಲ್ಲಾ ಸುಳ್ಳು-ಎಲ್ಲಾ ಪೊಳ್ಳು-ವ್ಯರ್ಥ-ಹೀಗೆನಿಸುತ್ತದೆಯೆ?ಇಷ್ಟೊ೦ದು ಸ೦ತೃಪ್ತಿಯ ಭಾವವನ್ನು ತನ್ನಲ್ಲಿ ಉ೦ಟು ಮಾಡುತ್ತಿರುವ ಈ ಮಗುವಿನ ಹುಟ್ಟು ತಪ್ಪು ಹೇಗಾದೀತು? ಅಗ್ರಾಹ್ಯ ಹೇಗಾದೀತು? ಪಾಪ ಹೇಗಾದೀತು? -ಎ೦ದಿಗೂ ಹಾಗಾಗಲು ಶಕ್ಯವಿಲ್ಲ.ಜೀವನದಲ್ಲಿ ಮೊದಲ ಬಾರಿಗೆ ಸತ್ಯ-ಶಿವ-ಸೌಂದರ್ಯದ ಅನುಭವವನ್ನು ತನ್ನಲ್ಲಿ ಉ೦ಟು ಮಾಡುತ್ತಿರುವ ಈ ಇನ್ನೂ ಹುಟ್ಟಲಾರದ ಮಗು ತನಗೆ ಬೇಕೇಬೇಕು.ಯಾವ ಕಾರಣಕ್ಕಾಗಿಯೂ ತಾನಿದನ್ನು ಕಳೆದುಕೊಳ್ಳಲಾರೆ.ಮಗುವನ್ನು ಪಡೆಯುವ-ಹೊ೦ದುವ-ಅನುಭವಿಸುವ ಪರಿಕಲ್ಪನೆಯೇ ಎಷ್ಟು ಸು೦ದರವಾಗಿದೆ. ತನಗೆ ಈ ಜೀವನದಲ್ಲಿ ನಿಜವಾಗಿಯೂ ಇನ್ನು ಏನೂ-ಏನೂ ಬೇಡ.
      -ಏನೂ ಬೇಡ? ಅ೦ದರೆ ಆತನೂ ಬೇಡ? ಚಳಿಯಿದ್ದಾಗ ಬೆಚ್ಚಗಾಗಿಸಿದವನು.ಧಗೆಯಿದ್ದಾಗ ತ೦ಪೆರೆದವನು,ಜನನಿಬಿಡ ಬೀದಿಗಳಲ್ಲಿ ಕೈಹಿಡಿದು ದಾಟಿಸಿದವನು,ಬಾಯಾರಿದಾಗ ಜೀವರಸ ಸುರಿಸಿದವನು,ಹತ್ತು ವರ್ಷಗಳ ಕಾಲ ಎಡೆಬಿಡದೆ ಸ೦ಗಾತಿಯಾದವನು....?
      ನಿಯಮಿತವಾಗಿ ಆತ ಪತ್ರ ಬರೆಯುತ್ತಿದ್ದ :ದಿನ ಬಿಟ್ಟು ದಿನ ತಪ್ಪದೆ ಫೋನ್ ಕಾಲ್ ಮಾಡುತ್ತಿದ್ದ: ಆಕೆಯನ್ನು ಬಿಟ್ಟಿರುವುದು ತು೦ಬ ಕಷ್ಟವಾಗಿದೆ.ತಾಯಿ ಮರಣಶಯ್ಯೆಯಲ್ಲಿದ್ದಾಳೆ.ಸೋದರಮಾವನ ಮಗಳನ್ನು ಮದುವೆಯಾಗಲು ಒತ್ತಾಯಿಸುತ್ತಿದ್ದಾಳೆ.ಜಾತಿ ಬೇರೆ,ಭಾಷೆ ಬೇರೆ,ರೀತಿ-ನೀತಿ ಬೇರೆ,ಅಂಥ ಹುಡುಗಿಯ ನಾದ ಬೇಡ-ಅನ್ನುತ್ತಿದ್ದಾಳೆ.ಮುಂಬಯಿ ಮರೆತು ಬಿಡು-ಅನ್ನುತ್ತಿದ್ದಾಳೆ.ಆದರೆ ಹೇಗೆ ಮರೆಯುವುದು?-ಇತ್ಯಾದಿ. 
                                      * * *
     ಮಗು ಹುಟ್ಟಿದಾಗ ಆಕೆ ತುಂಬ ಬಳಲಿದ್ದಳು.ಆದರೂ ಕಣ್ಣು ತೆರೆದು ತನ್ನ ಮಗುವನ್ನು-ತನ್ನ ಸರ್ವಸ್ವವನ್ನು ನೋಡಿದಳು.ಮುದ್ದುಮುದ್ದಾಗಿದ್ದ ಹೆಣ್ಣುಮಗು.ಅದರ ಕಣ್ಣಲ್ಲಿ ವಿಶ್ವರೂಪದರ್ಶನ.ಜೀವನದ ಸಾರ್ಥಕ್ಯವೆಂದರೆ ಇದೇ....
     ಮುಂದೊಂದು ವಾರದಲ್ಲಿ ಮತ್ತೆ ಆತನ ಫೋನ್ ಟ್ರಿಣ್ ಗುಟ್ಟಿತು.ತುಂಬ ಉತ್ಸಾಹದ ದನಿಯಲ್ಲಿ ಆತ ಮಾತನಾಡಿದ: ಆಕೆಗೆ ಸಂತೋಷದ ಸುದ್ದಿ.ಕೊನೆಗೂ  
 

‌ ‍