ಪುಟ:ಮಿಂಚು.pdf/೧೬

10

ಮಿಂಚು

ಫ್ಲ್ಯಾಟ್‌ನಲ್ಲಿರ್ತಿದ್ದೆ........ಇರಲಿ. ನೀನು ಗುಜರಾಥಿ, ಮರಾಠಿ, ಹಿಂದೂಸ್ಥಾನಿ ಮರೆತಿಲ್ಲವಲ್ಲ?”
⁠“ಹೇಗೆ ಮರೆತೇನು ಮೃದುಲಾಬೆನ್ ? ಈ ನೀರು ಕುಡಿದೇ ಅಲ್ಲವಾ ನಾನು ಬೆಳೆದದ್ದು ?”
⁠“ನಿನ್ನ ಕೊಠಡಿ ಹೇಗಿದೆ ? ಅದು ಅಟಾಚ್ಡ್ ಬಾತ್. ಸ್ನಾನಮಾಡಿ ಬಾ. ಊಟ ಆದ್ಮೇಲೆ ಸಂಜೆವರೆಗೂ ನಿದ್ದೆ ಮಾಡು. ರಾತ್ರಿಯೆಲ್ಲ ನಿನ್ನ ಸಾಹಸದ ಕಥೆ ಹೇಳು.”

*⁠*⁠*

⁠ಈ ಪುಟ್ಟ (ವ್ವ) ಹೇಳುವುದೆಲ್ಲ ನಿಜವಾದರೆ, ಇವಳ ಬಗ್ಗೆ ತಾನು ಅಭಿಮಾನ ತಳೆಯಬಹುದು ಎನಿಸಿತು ಮೃದುಲಾಬೆನ್‌ಗೆ. ಮುಂಬಯಿಯ ಬಸಿರಿನಿಂದ ಬಲು ದೂರ ಕಿಷ್ಕಿಂಧೆ. ಸಾವಿರ ಸುಳ್ಳು ಹೇಳಬಹುದು. ಅದು ಹಾಗಲ್ಲ ಹೀಗೆ ಎಂದು ಬೊಟ್ಟು ಮಾಡಿ ತೋರುವವರು ಯಾರಿದ್ದಾರೆ ಇಲ್ಲಿ ?
⁠“ಎರಡು ವರ್ಷಗಳಲ್ಲೇ ಇಪ್ಪತ್ತು ಜಿಲ್ಲಾ ಕೇಂದ್ರಗಳಲ್ಲಿ ಇಪ್ಪತ್ತು ಅನಾಥಾ ಶ್ರಮಗಳನ್ನು ಸ್ಥಾಪಿಸಿದೆ.”
⁠“ಭೇಷಕ್.” ಮನಸ್ಸಿನಲ್ಲೆ 'ಇಷ್ಟು ಮಾಡಿಸಲು ಎಷ್ಟು ಜನರಿಗೆ ಸೆರಗು ಹಾಸಿದಳೊ?'
⁠“ಕಲ್ಯಾಣನಗರದಲ್ಲಿ ಕೇಂದ್ರ ಅನಾಥಾಶ್ರಮ. ಹೊರನಾಡಿನಿಂದ ಬಂದವಳೂಂತ ಒಂದು ಕಷ್ಟ ಕೊಟ್ಟರಪ್ಪಾ.”
⁠“ಸಹಜ. ರಾಷ್ಟ್ರೀಯ ಭಾವೈಕ್ಯದ ಮುಖವಾಡದ ಕೆಳಗೆ ಆಗದವರ ವಿರುದ್ಧ ಹಲ್ಲುಮಸತ.”
⁠“ಜೀವ ತೇದು ನಿಧಿ ಸಂಗ್ರಹಿಸಿದೆ. ಮೊನ್ನೆಯಷ್ಟೆ ಮೂರು ಮಹಡಿ ಕಟ್ಟಡಕ್ಕೆ ಶಿಲಾನ್ಯಾಸ ಮಾಡಿಸಿದೆ.”
⁠“ಕೋನಶಿಲೆ ಯಾರಿಟ್ಟರು?”
⁠“ಪ್ರಧಾನಿಯನ್ನೆ ಕರೆಸಬೇಕೂಂತಿದ್ದೆ. ಆದರೆ ಅವರು ಕೊಟ್ಟ ದಿನಾಂಕಗಳು ನಮಗೆ ಸರಿ ಬೀಳಲಿಲ್ಲ. ಹೀಗಾಗಿ—”
⁠“ಸಿ.ಎಂ.ನ್ನ ಕೇಳ್ದೆ, ಆಲ್ವಾ? ಏನು ಅವನ ಹೆಸರು—ಜಾಣಪ್ಪ ?”
⁠“ಜಾಣಪ್ಪ ನಿಜವಾಗಿಯೂ ದಡ್ಡಪ್ಪ.”
⁠ಪದಗಳ ಅರ್ಥವನ್ನು ಹಿಂದೂಸ್ಥಾನಿಯಲ್ಲಿ ತಿಳಿದು, ಮೃದುಲಾಬೆನ್ ನಕ್ಕಳು.
⁠“ಈ ಕನ್ನಡ ಮಜಾಶೀರ ಭಾಷೆ....ಕಟ್ಟಡ ನಿನ್ನ ವಾಸ್ತವ್ಯಕ್ಕೊ?”
⁠“ಅನಾಥಾಶ್ರಮಕ್ಕೆ. ಮಗ್ಗುಲಲ್ಲೆ ಗೆಸ್ಟ್ ಹೌಸ್ ಕಟ್ಟಿಸಿ, ಅದರಲ್ಲಿ ನಾನಿರ್ತೇನೆ.”