ಪುಟ:ಮಿಂಚು.pdf/೨೨೭

ಮಿಂಚು⁠⁠⁠⁠⁠⁠⁠⁠⁠⁠⁠ 221
⁠ಗುಪ್ತಚಾರ ದಳದ ಮುಖ್ಯಸ್ಥ ಮೆಚ್ಚುಗೆಯ ನಗೆ ಸೂಸಿದ.ಸೌದಾಮಿನಿ
ಅಂದಳು :
⁠“ಹಸ್ತ ಸಾಮುದ್ರಿಕ ಜ್ಯೋತಿಷ್ಯ ಏನಾದರೂ ಬರುತ್ತ ನಿಮಗೆ ?”
⁠“ಇಲ್ಲ ಮಾತಾಜಿ.”
⁠“ನಿಮ್ಮ ಉದ್ಯೋಗಕ್ಕೂ ಆ ಕಸಬುಗಳಿಗೂ ಹೆಚ್ಚಿನ ವ್ಯತ್ಯಾಸವಿಲ್ಲ. ಇದು
ಜೋಕು. ನಗೋದಿಲ್ಲವೆ ?”
⁠ಇಬ್ಬರೂ ನಕ್ಕರು.
⁠“ನಾಡದು ಮಧ್ಯಾಹ್ನ ಇಷ್ಟು ಹೊತ್ತಿಗೆ ಗಂಡೋ ಹೆಣ್ಣೂ ಗೊತ್ತಾಗುತ್ತೆ.”
⁠“ನಾನು ಸರಕಾರಿ ಅಧಿಕಾರಿ, ಪಕ್ಷ ವಹಿಸಬಾರದು.”
⁠“ಒಳ್ಳೇದು. ವಿಶೇಷವೇನಾದರೂ ಇದ್ದರೆ ಭೇಟಿಗೆ ಬನ್ನಿ.”
⁠“ಏನಾದರೂ ಪ್ರಮಾದ ನನ್ನಿಂದ ನಡೆದಿದ್ದರೆ ಕ್ಷಮೆ ಇರಲಿ.”
⁠“ಆಮೋದ ಪ್ರಮೋದ ಯಾವುದೂ ಇಲ್ಲ.ನೀವು ಶಿಷ್ಟ ನಡವಳಿಕೆಯ
ಮನುಷ್ಯ, ನಿಮಗೆ ಒಳ್ಳೆಯದಾಗಲಿ.”
⁠ಮುಖ್ಯಸ್ಥ ಎದ್ದು ಹೊರಬಿದ್ದ.
⁠ಪರಶುರಾಮನ ಆಗಮನವಾಯಿತು. ಫೋನ್ ಬಾರಿಸತೊಡಗಿತು.
⁠“ಮಾತಾಜಿ, ಐ.ಜಿ.ಪಿ.
⁠“ಬಂದರಾ ?”
⁠“ಇಲ್ಲ. ಅವರ ಪತ್ನಿ ಫೋನ್ ಮಾಡಿದಾರೆ.”
⁠“ಏನಂತೆ ?”
⁠“ಒಂದು ವಿನಂತಿ ಮಾಡ್ತಿದಾರೆ. ಭಾನುವಾರ ಬೆಳಗ್ಗೆ ಅನಾಥಾಶ್ರಮದ ಅತಿಥಿ
ಗೃಹದ ಉದ್ಘಾಟನೆಗೆ ತಾವು ಒಪ್ಪಬೇಕಂತೆ. ಅವಸರದ ಏರ್ಪಾಟು. ಆಮಂತ್ರಣ
ಪತ್ರಿಕೆ ಇವತ್ತು ರಾತ್ರಿ ಅಚ್ಚಾಗಿ ನಾಳೆಯೆಲ್ಲ ವಿತರಣೆ ಆಗದಂತೆ, ಔಪಚಾರಿಕವಾಗಿ
ಅಮಂತ್ರಿಸೋದಕ್ಕೆ ಈಗ ಬರಬಹುದೆ ಅಂತ____”
⁠ಭಾನುವಾರ ಮುಖ್ಯಮಂತ್ರಿಯ ಕಾಠ್ಯಕ್ರಮ ! ಸೌದಾಮಿನಿಗೆ ನಗೆ ಬಂತು,
ಖುಶಿಯೂ ಆಯಿತು.
⁠“ಒಪ್ಪಿದ್ದೇನೆ ಅಂತ ಹೇಳು,ನಾಳೆ ಬೆಳಗ್ಗೆ ಹತ್ತಿಪ್ಪತ್ತು ಆಮಂತ್ರಣದ ಪ್ರತಿ
ಗಳನ್ನು ತಗೊಂಡು ಐ.ಜಿ.ಪಿ. ಪತ್ನಿಯೂ ಸುಲೋಚನಾಬಾಯಿಯೂ ಉಪಾಹಾರಕ್ಕೆ
ಬರಲಿ. ವಿತರಣೆಗೆ ದೂತರ ಸಹಾಯವೇನಾದರೂ ಬೇಕೆ ಕೇಳು. ನಮ್ಮ ದೂತರ
ಮೂಲಕ ಏರ್ಪಡಿಸಬಹುದು. ಒಂದು ಸಾವಿರ ಮುದ್ರಿಸಲಿ.”
⁠ಅವನು ಅವರಿಗೆ ತಿಳಿಸಿದ. ಮಾತಾಜಿಗೆ ವರದಿ ಸಲ್ಲಿಸಿದ.
⁠“ಧನ್ಯವಾದ ಧನ್ಯವಾದ ಅಂತ ಅವರಿಬ್ಬರೂ ನಾಲ್ಕಾರು ಸಲ ಹೇಳಿದರು.
ನಾಳೆ ಬೆಳಗ್ಗೆ ಬಾರಂತೆ.