ಪುಟ:ಮಿಂಚು.pdf/೯೨

86

ಮಿಂಚು

⁠“ದಿಲ್ಲಿಯ 'ನೃಪತುಂಗ'ಕ್ಕೊ ?
⁠ಮಹಾ ಕಾರ್ಯದರ್ಶಿ ಉತ್ತರಿಸಿದ:
⁠“ನನ್ನ ಕೈಗಾರಿಕೋದ್ಯಮಿ ಮಿತ್ರನದೊಂದು ಅತಿಥಿ ಗೃಹ ಇದೆ. ಅಲ್ಲಿ ಅಡುಗೆ
ಸಿದ್ಧವಾಗಿರುತ್ತಾರೆ."
⁠“ನಾವಿಬ್ಬರೇ ?”
⁠“ಆಳುಗಳಿರ್ತಾರೆ. ಅವರು ಲೆಕ್ಕಕ್ಕಿಲ್ಲ. ಅಲ್ಲ, ಸೌದಾ, ನೀನು ಟೆನ್ನಿಸ್
ತಾರೆ ಆದೆ ಅನ್ನೋ ಸುದ್ದಿ ಎಲ್ಲ ಪತ್ರಿಕೆಗಳಲ್ಲೂ ಇತ್ತಲ್ಲ ?”
⁠“ರಾಜ್ಯದ ಜನರಿಗೆ ಖುಶಿಯೋ ಖುಶಿ. ಆದರೆ ನಿನ್ನೆ ಸಂಪುಟದ ಸಭೆಯಲ್ಲಿ”
⁠“ಏನಾಯ್ತು ?
⁠“ರಾಜ್ಯದ ಪ್ರತಿಯೊಂದು ಶಾಲೆಯಲ್ಲ ಟೆನ್ನಿಸ್ ಲಾನ್ ಇರಬೇಕು-ಆಂದೆ.
ಒಬ್ಬನಿಂದ ವಿರೋಧ ಬಂತು.”
⁠“ಯಾರು ಆತ ?”
⁠“ಆ ದಿನ ಟೆನ್ನಿಸ್ ಆಟದಲ್ಲಿ ನನ್ನ ಎದುರಾಳಿಯಾಗಿದ್ದು ಸೋತವನು.”
⁠“ಇನ್ನೂ ಹುಡುಗ, ತಲೆ ಸವರಿ ಸರಿಪಡಿಸು.”
⁠“ಅಧಿಕ ಪ್ರಸಂಗಿ....”
⁠“ಯಾರು-ನಾನೊ ? ಅವನೊ ?”
⁠ಸೌದಾಮಿನಿಯ ತಲೆ ಮಹಾ ಕಾರ್ಯದರ್ಶಿಯ ಭುಜದ ಬಾಗಿತು.
⁠“ಜಾಣಪ್ಪಗೊಂದು ರಾಜ್ಯಪಾಲ ಹುದ್ದೆ. ಐ. ಸಿ. ಎಸ್ ಚೀಫ್ ಸೆಕ್ರೆಟರಿಗೆ
ಕಡ್ಡಾಯ ನಿವೃತ್ತಿ ಅಥವಾ ವರ್ಗಾವಣೆ,”
⁠“ಆಗಲೇ ನಿರ್ಧಾರವಾಗಿದೆ, ಜಾಣಪ್ಪ ಮುಂದಿನ ತಿಂಗಳು ಕೇರಳಕ್ಕೆ ಹೋಗ್ತಾರೆ.
ಚೀಫ್ ಸೆಕ್ರೆಟರಿಯನ್ನು ಇಲ್ಲಿಗೆ ಕರೆಸಿದರಾಯ್ತು. ಕಡ್ಡಾಯ ನಿವೃತ್ತಿ ಅಂಥದೆಲ್ಲ ಬೇಡ,
ದುಡುಕಬಾರದು ಸೌದಾ, ಕಿಷ್ಕಂಧೆ ಮೂಲದ ಹಿರಿಯ ಐಎಎಸ್ ಅಧಿಕಾರಿಗಳು
ಮೂವರು ನಾಲ್ವರು ಇರಬೇಕು, ಒಳ್ಳೆಯವನನ್ನು ಆರಿಸಿಕೊಡ್ತೀನೆ.”
⁠“ಉಪಕೃತ.”
⁠“ತಿಂಗಳ ಕಾಣಿಕೆಗೆ ಏರ್ಪಾಟು ಮಾಡಿದೀಯಾ ?”
⁠“ಓಹೋ ! ಹಿರಿಬೆರಳು ನಿಮಗೆ ಕಿರುಬೆರಳು ರಾಜ್ಯ ಸಮಿತಿಗೆ....”
⁠“ಪ್ರಧಾನಿಯ ಕಿವಿಗೆ ಈ ಬೆರಳು ಗಿರಳು ಸುದ್ದಿ ಬಿದ್ದರೆ ಸಿಟ್ಟಾಗ್ತಾರೆ.”
⁠“ಬೇರೆ ಯಾವ ವಿಧಾನ ಅನುಸರಿಸಿ ?”
⁠“ಹೊಸ ಸಲಹೆ ಕೊಟ್ಟಿದ್ದೇನೆ. ಒಂದೊಂದು ರಾಜ್ಯಕ್ಕೆ ಇಷ್ಟಿಷ್ಟು, ಹೆಚ್ಚಿನ
ಹಣಕ್ಕೆ ಮುಖ್ಯಮಂತ್ರಿ ಕೋಶಾಧಿಕಾರಿ.”
⁠"ಇದೇ ಮೇಲು.”
⁠“ಎಲ್ಲ ರಾಜ್ಯಗಳಿಂದ ಹಣ ಯಾರಿಗೆ ಬರುತ್ತೆ ಗೊತ್ತೋ ?"