ನಡೆಗಲ್ವಂದುಂ ಬಣ್ಣಿ೦
ಕೊಡೆ ನೆಗೆದಪುದುರ್ವಿಯೆಂದು ವಾಸುಗಿ ಪಲವು೦||
ಹೆಡೆಯಂ ಶಿಶುನಡೆವೆಡೆಯೊಳ್|
ಪಡೆದಾಂತು ಸಹಸ್ರಫಣನೆನಲ್ ಪೆಸರ್ವಡೆದಂ||೧೯೬||
ಮಣಿಯೇರಂ ಚೆಂಬೊನ್ನುಡೆ
ಮಣಿಯುಲಿಗೆಲೆ ಗೆಲ್ಲ ನಂಗರುಚಿಯಿಂದೈರಾ
ವಣಮಂ ಕುಮಾರ ಚೂಡಾ
ಮಣಿ ಲಾಲಾಜಲದೊಳಂ ಚತುರ್ದ೦ತದೊಳಂ||೧೩೦||
ಅಮೃತಾಂಶು ಪೆರ್ಚೆ ಪೆರ್ಚುವ
ಸಮುದ್ರಮೆಂತಂತೆ ರಾಮಚಂದ್ರಂ ದಿವಸ||
ಕ್ರಮದಿನಭಿವೃದ್ಧಿವೆತ್ತಾ
ಕ್ರಮಿಸಿದನತಿಮುಗ್ಧಭಾವಮಂ ಶೈಶವಮಂ||೧೩೧||
ಅ೦ತು ರಾಮಚಂದ್ರನಾದಿತ್ಯನಂತೆ ನಿತ್ಯೋದಯಮನಪ್ಪುಕೆಯ್ವುದುಂ--
ಕಂ|| ಬಾಲತ್ವದೊಳಮುದಾತ್ತ ಗು
ಣಾಲಯಮೆನಿಸಿದ ತನೂಜ ಮುಖಚಂದ್ರಮನಂ||
ಲೀಲೆಯಿನೀಕ್ಷಿಸಿ ದಶರಥ
ನೋಲಾಡಿದನಧಿಕ ರಾಗರಸ ವಾರಿಧಿಯೊಳ್||೧೩೨||
ಅಂತು ಸಂತೋಷದ ಪರಮಪದಮನೆಯ್ದಿರ್ಪುದುಮದಲ್ಲದೆಯುಮಾ ಮಹೀ
ವಲ್ಲಭನ ಮೋಹವಲ್ಲರಿಗಳೇ ಪೂತುವೆಂಬಂತೆ ಪುಷ್ಪವತಿಯರಾಗಿ ನಾಲ್ಕು ನೀರ್ಮಿ೦ದು
ಬೆಳ್ವ ಸದನದ ಪೊಸದೇಸೆ ವಿಳಾಸಂಬಡೆಯೆ ಸೂಳ್ಗೆ ವಂದು ಶುಭಸ್ವಪ್ನ ದರ್ಶನಾ
ನಂತರಂ ಕೆಲವು ದಿವಸಮರ್ಪಿನಂ--
ಕಂ|| ಕುಲದೋದವಿಂಗೀ ಸತಿಯರೆ
ಕುಲದೇವತೆಯರ್ಕಳೆಂಬ ಬಗೆ ಪುಟ್ಟುವಿನಂ||
ತಲೆದೋರೆ ಗರ್ಭಚಿಹ್ನಂ
ತಲೆದೋರಿದುದವನಿಪತಿಗೆ ರಾಗೋದ್ರೇಕ೦||೧೩೩||
ಆಗಳಾಕೆಗಳ ಪಸುರ್ಪೆಸೆವಸಿಯ ಬಾಸೆ ಲಾವಣ್ಯನದಿಯ ಶೈವಾಲಲತೆಯ ಲಾಸ್ಯ ಮನಸಹಾಸ್ಯಂಗೆಯ್ಯುಮಾಕೆಗಳ ಕರಂಗಿದ ಕುಚ ಚೂಚುಕಂಗಳಿಂದೆಸೆದು ತೋಳ
ಮೊದಲಿಂ ಜಕ್ಕುಲಿಸುವ ಪೆರ್ಮೊಲೆ ಕರ್ನೆಯ್ದಿ ಲೆಸಳಂ ನಲಿದು ಕರ್ಚುವ ಜಕ್ಕವಕ್ಕಿ
