ಪುಟ:ರೂಲ್ಸ್ ಮೇಸ್ಟ್ರು.pdf/೧೮

ಹೆಂಗಸು

ಸೋಮಿ, ಮಗನ್ನ ತಂಗಳೂಟಕ್ಕೆ ಕಳಸ್ರಲಾ.

ಉಪಾಧ್ಯಾಯ

ಹಾಗೆಲ್ಲ ಮಧ್ಯೆ ಕಳಿಸೋದಕ್ಕೆ ರೂಲ್ಸಿಲ್ಲ. ಮೊದಲೇ ಊಟ ಹೌಕಿ ಕಳಿಸಬೇಕೋ ಬೇಡವೋ ? ಒಂಬತ್ತು ಗಂಟೆಗೆ ಬಿಡುತ್ತೇನೆ ಹೋಗು.

ಹೆಂಗಸು

ಆಗಾಕಿಲ್ಲ ಸೋಮಿ ಹಸಿದುಕೊಂಡ, ಬಾರೋ ಮಗ.

( ಹುಡುಗನೂ ಹೆಂಗಸೂ ಹೊರಟುಹೋಗುವರು. ಇಬ್ಬರು ಗೌಡರು ಸಣ್ಣ ಮಕ್ಕಳೊಡನೆ ಪ್ರವೇಶ )

೧ ನೇ ಗೌಡ

ಈ ಮಕ್ಕಕ್ಕೆ ಸೇರಿಸಿಕೊಳ್ಳಿ ಮೇಷ್ಟೆ.

ಉಪಾಧ್ಯಾಯ

ಇವರಿಗಿನ್ನೂ ವಯಸ್ಸಾಗಿಲ್ಲ; ಆರು ವರ್ಷ ಆದರೂ ಆಗಿರಬೇಕು ಅಂತ ರೂಲ್ಸಿದೆ,

೨ನೇ ಗೌಡ

ಆಗಯ್ತಿ ಮೇಷ್ಟೇ ! ನೋಡಾಕೆ ಅಂಗವೈ. ಇವನು ಹುಟ್ಟಿ ಓಟೊರಸ ಆಗೋಯ್ತೋ!