ಈ ಪುಟವನ್ನು ಪರಿಶೀಲಿಸಲಾಗಿಲ್ಲ.
ಆವ್ಹಾನ [ಚೊಚ್ಚಲ ಹಸುಳೆಯನ್ನು ಕಳೆದುಕೊ೦ಡ ಯುವತಿ ತಾಯಿಯ ಆರ್ತಸಾದ.
ದು8ಖದ ಅಲೆ ಮೆಲ್ಲನೆ ಆಡಗಿ ಕ್ಷಣಮೌನದ ಬಳಿಕ-]
ಬುದ್ಧ :
ಯಾರು ನೀನು, ಮಗಳೆ ?
ಕಿಸಾಗೋತಮಿ:
[ಬಿಕ್ಕುತ್ತ] ನಾನು ಕಿಸಾಗೋತಮಿ, ಭಗವನ್, ಇಗೋ, ಈ ಚೊಚ್ಚಲ ಹಸುಳೆಯನ್ನು ಕಳೆದುಕೊಂಡಿರುವ ಪಾಪಿ ! ಇದು ಉಸಿರಾಡುವಂತೆ ಮಾಡು ಭಗವನ್ !.
ಬುದ್ಧ:
ಆಗಲಿ, ಮಗಳೆ, ಒಂದು ಚಿಟಕೆ ಬಿಳಿಯ ಸಾಸಿವೆಕಾಳು ತಾ.
ಕಿಸಾಗೋತಮಿ:
ತರುವೆನು ಭಗವನ್...ಆದರೆ, ಎಲ್ಲಿಂದ ತರಲಿ ?
ಬುದ್ಧ:
ಯಾರ ಮನೆಯಲ್ಲಿ ಈವರೆಗೆ ಮಗನಾಗಲೀ ಮಗಳಾಗಲೀ ಬೇರೆ ಯಾರೇ ಆಗಲೀ ಸತ್ತಿಲ್ಲವೋ, ಆ ಮನೆಯಿಂದ ತಾ.
[ಏಕನಾದದ ಶೋಕಧ್ವನಿಯ ಹಿನ್ನೆಲೆಯಲ್ಲಿ]
ಕಿಸಾಗೋತಮಿ:
ಬಿಳಿಯ ಸಾಸಿವೆಯುಂಟೆ ನಿಮ್ಮ ಮನೆಯಲ್ಲಿ?
ಹೆಂಗಸು:
ಕೊಡಲೆ ತಂಗಿ?
ಕಿಸಾಗೋತಮಿ:
ಇಲ್ಲಿ ಯಾರೂ ಸತ್ತುದಿಲ್ಲವಷ್ಟೆ?
ಹೆಂಗಸು:
ಏನು ಮಾತು, ತಂಗಿ! ಬದುಕಿರುವವರು ಕಡಮೆ. ಸತ್ತವರೇ ಹೆಚ್ಚು.
