ಆಹ್ವಾನ
ನಾಗರಿಕ ಜನಾಂಗದ ಸದಸ್ಯ-ಎಂಬ ಆತ್ಮವಂಚನೆಗೆ ನಾನು ಗುರಿಯಾಗಿದ್ದೆ.ಆದರೆ, ಆ ಭ್ರಮೆ ನಿರಸನಹೊಂದಿ, ಸರ್ವಸ್ವವನ್ನೂ ಕಳೆದುಕೊಂಡ ಭಿಕಾರಿಯಂತೆ ನಾನು ಊರಿಗೆ ಮರಳಿದೆ.
[ಕ್ಷಣ ಮೌನ]
ಸತ್ಯಾನ್ವೇಷಕ:
[ಮೊದಲು ಮೆಲ್ಲನೆ-ಬಳಿಕ ಗಟ್ಟಿಯಾಗಿ-ಬಿಕ್ಕಿ ಬಿಕ್ಕಿ ಅಳುತ್ತ, ನಡುನಡುವೆ ನಗುತ್ತ]
ಅಯ್ಯೋ ! ಸಾಲದೆ? ಸಾಲದೆ ಇಷ್ಟು? (ಗೊಗ್ಗರ ಗಂಟಲಲ್ಲಿ, ಮೇಲ್ಮೊಗವಾಗಿ] ಅಪ್ಪಾ! ವಿಶ್ವಮಾನವ! ಕಂಡದ್ದನ್ನು ಕಂಡಹಾಗೆ ನುಡಿದೆಯಲ್ಲೋ !ನಿಜವಾದ ಸತ್ಯಾನ್ವೇಷಕ ನೀನೇ ಕಣಪ್ಪ! ಆಯಿತೇನಯ್ಯ ಚಿತ್ರ ಬರೆದದ್ದು? ಮುಗಿಯಿತೇನಣ್ಣ ನಿನ್ನ ಭಾರತ ವಿಹಾರ?
ವಿಶ್ವಮಾನವ' :
[Beep Beep Beep ಬೇಸರದ ಧ್ವನಿಯಲ್ಲಿ]
ಮುಗಿಯಿತು. ಭಾರತ ಚಿತ್ರದ ಒಂದು ಮೈಯ್ಯನ್ನು ಕಂಡು ಉಲ್ಲಾಸಗೊಂಡಿದ್ದೆ, ಈಗ ಇನ್ನೊಂದು ಮೈನೋಡಿ ಬಳಲಿದ್ದೇನೆ. ನನಗೆ ವಿಶ್ರಾಂತಿ ಬೇಕು.ನಾನು ನಿದ್ರಿಸಬೇಕು. -
[Beep Beep Beep : Fade out]
ವಿಶ್ವವಾಣಿ ನಿಲಯದ ಪ್ರಸಾರಕ :
ಇದು ವಿಶ್ವವಾಣಿ, ಗಗನಯಾತ್ರಿಕ ವಿಶ್ವಮಾನವನ ಬಾಹಾಂತರಿಕ್ಷ ಉಡಾಣದ ವೀಕ್ಷಕ ವರದಿಯನ್ನು ಈವರೆಗೂ ನೀವು ಕೇಳಿದಿರಿ. ಆಧುನಿಕ ಭಾರತದ ವಿಹಾರದ ಬಳಿಕ ಆಯಾಸಗೊಂಡ ವಿಶ್ವಮಾನವ, ಈಗ ಅಂತರಿಕ್ಷ ನೌಕೆಯೊಳಗೆ ನಿದ್ರೆ ಹೋಗಿದ್ದಾನೆ. ಆತ ಎಚ್ಚರಗೊಳ್ಳುವವರೆಗೂ ನಮಗಿನ್ನು ವಿರಾಮ.ವಿಶ್ವವಾಣಿಯ ವಿಶೇಷ ಪ್ರಸಾರ ಕಾರ್ಯ ಸಧ್ಯಕ್ಕೆ ಮುಕ್ತಾಯವಾಯಿತು. ಇದು ವಿಶ್ವವಾಣಿ.
———
೭೧
