ಈ ಪುಟವನ್ನು ಪರಿಶೀಲಿಸಲಾಗಿದೆ
& ಏಳು ಸುತ್ತಿನ ಕೋಟೆ
(ಇರಬೇಡವೇ ಅದಕೆ ಗೋಡೆಯಾಧಾರ?)
ಢಮಢಮಾ! ಢವಢವಾ ಢಮಢಮಾ!
ಅಮ್ಮಾ!
ತುಡಿಯುತಿದೆ ಎದೆ ತಬಲ!
ಚೋಮ ಬಡಿಯಲೆಂದೇ ಅಬಲೆ
ಬಾಲೆಯ ಚರ್ಮದೊಳು ತಮಟೆಯನು ಮಾಡಿ
ಕೊಟ್ಟಹರು: ಹೌದು, ಚೋಮನ ದುಡಿ!
ಥಕಥಕಿಟ ಥೈ ಥೈ ಥಕಥಕಿಟ ಥೈ ಥೈ!
ಅವೇಶದೊಳು ಬೀರು, ಟ್ರಂಕು, ಹಾಸಿಗೆ, ಕಾಗದದ ಕಂತೆ
ಕುಣಿಯತೊಡಗಿವೆ, ಅದೋ ರೆಡಿಂಡಿಯನರಂತೆ! ೬
ಬಯಕೆಮಗು ಮೈಯನರಳಿಸುತಿರಲು
ಬಿರಿಯದೇ ದಾಳಿಂಬೆಯಂತೆ ಬಸಿರು?
ಬಲೂನದೊ ಬಳೆಬಳೆದು ಬ್ರಹ್ಮಾಂಡವಾಗಿರಲು
ಯಾವ ಪಂಥದು ಇನ್ನು ತುಂಬುತಿದೆ ಉಸಿರು?
ಎದೆ ಕೋಪದೊಳು ಸ್ವಿಚ್ಚನೊತ್ತಲು ಪ್ರಲಯ!
ಪರಮಾಣು ಸಿಡಿದರೆ?
ಹೀರೋಷಿಮಾ, ನಾಗಸಾಕಿಹೆಣ! ರಣರಣ! ಭಯಗ್ರಸ್ತ ಎದೆ ತುಡಿದರೆ
'ಬಾ' ಎಂದೆ; ಬಾಲೆ ಬಂದಳು ಒಳಗೆ.
ಮರೆಯಾಯ್ತು ಅರೆಘಳಿಗೆಯೊಳೆ ಎಲ್ಲ ಧಾಂಧಲೆ!
ಮುಗುಳ ನಕ್ಕಳು ಬಾಲೆ
ಬಲು ಚೆಲುವೆ! ಚಂಚಲೆ!೭
****
