೧೦೪
ಕದಳಿಯ ಕರ್ಪೂರ
ಬಳಿ ಬಂದಿದ್ದೇನೆ. ನೀವು ಅದನ್ನು ಅರಿತು ಆ ಮಟ್ಟಕ್ಕೆ ನಿಮ್ಮ ಪ್ರೇಮವನ್ನು ತಿರುಗಿಸುವುದಾದರೆ ಮಾತ್ರ ದೈವಸಂಕಲ್ಪದಂತೆ ಕೆಲವು ಕಾಲ ನಿಮ್ಮ ಅರಮನೆಯಲ್ಲಿ ನಾನು ಇರಬಲ್ಲೆ.
``ಹೌದು, ಈ ಅರಮನೆಯಲ್ಲಿ ನೀನು ಇರಲೇಬೇಕು. ನೀನಿಲ್ಲದೆ ಈ ಅರಮನೆ ಸ್ಮಶಾನಕ್ಕೆ ಸಮ ನನಗೆ. - ಧ್ವನಿಯಲ್ಲಿ ಆಜ್ಞೆಯ ಠೀವಿ ಇರಲಿಲ್ಲ. ಬೇಡಿಕೆಯ ದೈನ್ಯತೆ ಇತ್ತು.
``ಹಾಗಾದರೆ ನಾನು ಹೇಳುವ ಷರತ್ತುಗಳಿಗೆ ನಿಮ್ಮ ಒಪ್ಪಿಗೆಯೇ? ಮತ್ತೆ ಮಹಾದೇವಿ ಕೇಳಿದಳು.
``ನೀನು ಹೇಳಿದ ಹಾಗೆ ಕೇಳುತ್ತೇನೆ. ನಿನ್ನ ಎಲ್ಲ ಷರತ್ತುಗಳಿಗೂ ಒಪ್ಪುತ್ತೇನೆ.
``ಅವು ಏನೆಂಬುದು ನಿಮಗೆ ಗೊತ್ತಿರಬೇಕಲ್ಲವೇ ? ನಿಮ್ಮ ಗೆಳಯರು ಎಲ್ಲವನ್ನೂ ಹೇಳಿರಬೇಕು. ಆದರೂ ನಾನೂ ಇನ್ನೊಮ್ಮೆ ಹೇಳುತ್ತೇನೆ ಕೇಳಿರಿ: ಮಾತು ಕೊಡುವ ಮುನ್ನ ಚೆನ್ನಾಗಿ ಆಲೋಚಿಸಿ ಎಂದು ಮಹಾದೇವಿ ತನ್ನ ಷರತ್ತುಗಳನ್ನು ಹೇಳತೊಡಗಿದಳು :
``ನನ್ನ ಮನೋಧರ್ಮಕ್ಕೆ ವಿರುದ್ಧವಾದ ಬಲಾತ್ಕಾರವನ್ನು ಮಾಡುವುದಿಲ್ಲವೆಂದು ಭರವಸೆ ಕೊಡಬೇಕು.
``ಅಗತ್ಯವಾಗಿ : ನಿನ್ನ ಮನಸ್ಸು ಕರಗಿದಾಗ ನನ್ನನ್ನು ಪ್ರೀತಿಸು. ಬಲಾತ್ಕಾರವನ್ನು ಮಾಡುವಷ್ಟು ಕ್ಷುದ್ರನಲ್ಲ ನಾನು. ಹೇಳಿದ ಕೌಶಿಕ.
``ನನ್ನ ಭಕ್ತಿಸಾಧನೆಗೆ ಅಡ್ಡಿಬರಬಾರದು. ಎರಡನೇ ಷರತ್ತನ್ನು ಹೇಳಿದಳು ಮಹಾದೇವಿ.
``ಖಂಡಿತವಾಗಿಯೂ ಇಲ್ಲ ; ನಿನ್ನ ಇಷ್ಟವಿರುವಂತೆ ನಿನ್ನ ಭಕ್ತಿ ಸಾಧನೆಯನ್ನು ಮುಂದುವರಿಸು ಆಶ್ವಾಸನವಿತ್ತ ಕೌಶಿಕ.
``ನೀವು ಭಕ್ತಿ ಸಾಧನೆಯ ಕಡೆಗೆ ಮನಸ್ಸು ಕೊಡಬೇಕು - ತನ್ನ ಮೂರನೆಯ ಷರತ್ತನ್ನು ಮುಂದಿಟ್ಟಳು ಮಹಾದೇವಿ. ಕೌಶಿಕ ಕ್ಷಣಕಾಲ ಆಲೋಚಿಸಿ ಹೇಳಿದ :
``ಅದನ್ನು ನಿರ್ಧಾರವಾಗಿ ಹೇಳಲಾರೆ, ಪ್ರಯತ್ನಿಸುತ್ತೇನೆ.
ಇದನ್ನು ಕೇಳಿ ಮಹಾದೇವಿಗೆ ಸಂತೋಷವಾಯಿತು. ಏಕೆಂದರೆ ರಾಜ ತಾನು ಹೇಳುತ್ತಿರುವ ಮಾತುಗಳನ್ನು, ಪರಿಪಾಲಿಸಬೇಕಾದ ಹೊಣೆಗಾರಿಕೆಯಿಂದ ಹೇಳುತ್ತಿದ್ದಾನೆಂದು ಅವನ ಈ ಮಾತಿನಿಂದ ತಿಳಿಯಿತು. ಹೇಳಿದಳು :
``ಹಾಗೆಯೇ ಆಗಲಿ, ಕೊಟ್ಟ ಮಾತುಗಳೆಲ್ಲಾ ನೆನಪಿನಲ್ಲಿರಲಿ. ಈ ನಿಮ್ಮ
