ಪುಟ:Khinnate banni nivarisoona.pdf/೫೧

ವಿಕಿಸೋರ್ಸ್ದಿಂದ
Jump to navigation Jump to search
ಈ ಪುಟವನ್ನು ಪರಿಶೀಲಿಸಲಾಗಿದೆ
  • ಜೀವನದ ಘಟನೆಗಳು: ಸಾವು ಅಗಲಿಕೆ, ಕಷ್ಟನಷ್ಟ, ಸೋಲುಗೆಲವು, ಸ್ಥಳಬದಲಾವಣೆ, ಉದ್ಯೋಗದಲ್ಲಿ ವರ್ಗಾವಣೆ ಭಡ್ತಿ, ಹಿಂಭಡ್ತಿ, ಮದುವೆ-ವಿಚ್ಛೇದನೆ ಇತ್ಯಾದಿ.
  • ಜನ ಸಂಪರ್ಕ, ಜನರ ಆಸರೆ ಅಥವಾ ಅಸಹಕಾರ, ಬಂಧುಮಿತ್ರರ ನಡೆವಳಿಕೆಗಳು ಮತ್ತು ಧೋರಣೆಗಳು ಇತ್ಯಾದಿ.
■ ■

ಬರಿಯ ಪೊಳ್ಳು ವಿಚಾರ ಮಾನುಷ ವ್ಯಾಪಾರ |
ಪರಿಕಿಸಲು ಪುಣ್ಯವೆಂಬುದುಮಹಂಕಾರ ||
ಅರಳಿ ಮೊಗವನಿನಿತು ನಕ್ಕು ನಗಿಸಿರೆ ಸಾರ |
ಹೊರೆ ಮಿಕ್ಕ ಸಂಸಾರ ||

ಮನುಷ್ಯರ ವ್ಯವಹಾರ, ಪರಿಶ್ರಮ ತಿರುಳಿಲ್ಲದ ಪೊಳ್ಳು ವಿಚಾರ! ಪರೀಕ್ಷೆ ಮಾಡಿ, ಯೋಚಿಸಿ ನೋಡಿದರೆ ಒಳ್ಳೆಯ ಕೆಲಸ ಮಾಡಿ ಪುಣ್ಯ ಗಳಿಸಿದೆ ಎಂಬುದೂ ಒಂದು ರೀತಿಯ ಅಹಂಕಾರವೇ. ಮುಖವನ್ನು ಅರಳಿಸಿ ನಕ್ಕು, ಇತರರನ್ನು ನಗಿಸಿದರೆ ಸಾಕು. ಸಂಸಾರದ ಮಿಕ್ಕ ಶ್ರಮಗಳೆಲ್ಲ ಒಂದು ಹೊರೆ. -ಡಿ.ವಿ.ಜಿ


ನಾವೇಕೆ ಹುಟ್ಟಿದೆವು ಮತ್ತು
ನಾವು ಎಂದು ಸಾಯುತ್ತೇವೆ ಗೊತ್ತಿಲ್ಲ
ಹುಟ್ಟು ಸಾವಿನ ನಡುವಿನ ಬದುಕಲ್ಲಿ
ನಮ್ಮ ಕ್ಷೇಮದ ಜೊತೆಜೊತೆಗೆ
ಇತರರ ಕ್ಷೇಮವನ್ನು ನೋಡಿಕೊಳ್ಳೋಣ
ಅದೇ ಬದುಕಿನ ಸಾರ್ಥಕತೆ.

ಖಿನ್ನತೆ: ಬನ್ನಿ ನಿವಾರಿಸೋಣ / 49