ಈ ಪುಟವನ್ನು ಪರಿಶೀಲಿಸಲಾಗಿಲ್ಲ.
೯೯
ನನ್ನ ನಲ್ಲ
ಅಲ್ಲದೆ ಸ್ವಾಮಿಯ ಶಕ್ತಿಯು ತಾನು
ಶಕ್ತಿಯೆ ತಾಯಿ ಸ್ವಾಮಿಯೆ ತಂದೆ
ಭಕ್ತಿ ಶಾಂತಿಗಳ ನೆಲೆಯಿವರೆಂದೆ
ಶಾಂತನ ಇಚ್ಛೆಯ ನಿಧಿಯೇ ಶಕ್ತಿ
ಇಂತಿವರೇ ಹೆಚ್ಚಿನ ಶಿವಶಕ್ತಿ
ಇವರಂಶಕೆ ಆ ದೇವಾಧಿಕರು
ಅವರು ವಿಶ್ವಕಾರ್ಯದಿ ತತ್ಪರರು
ಅಂಶರಲ್ಲಿ ಆತ್ಮಾಂಶರು ಬೇರೆ
ಅಂಶರಲ್ಲಿ ಜೀವಾಂಶರು ಬೇರೆ
ಆತ್ಮಾಂಶರು ಆತ್ಮರ ಜಗಗಳಲಿ
ಜೀವಾಂಶರು ಜೀವರ ಜಗಗಳಲಿ
ಆತ್ಮಾಂಶರು ಆತ್ಮನ ಹಿತಕಾಗಿ
ಜೀವಾಂಶರು ಜೀವನ ಹಿತಕಾಗಿ
ದಿವ್ಯ ಜೀವನಕೆ ಮಾತಾಪಿತರು
ದಿವ್ಯ ಜೀವನಕೆ ಇವರೇ ಇವರು
- * * *
ಆತುಮವೆಂದರು ಸ್ವಾಮಿಯ ಅಂಶ
ಆತುಮದಲೆ ಸರ್ವಸಮಾವೇಶ
ಆತ್ಮನ ಮೂಲಕ ಭ್ರಾತರು ಜನರು
ಆತ್ಮರಿಗೆಲ್ಲಾ ಇಬ್ಬರೆ ಪಿತರು
ಪಿತರೆಂದರೆ ಶ್ರೀ ಮಾತಾಪಿತರು
ಪಿತಮಾತೆಯರಿಗೆ ಸರ್ವರು ಸುತರು
ಹುಡುಗರು ತರುಣರು ಬಲ್ಲವರೆಂದು
ಮಿಡಿಗಾಯ್ ಕಸುಗಾಯ್ ಹಣ್ಗಾಯ್ ಎಂದು
ಮಕ್ಕಳಿವರಿಗೆ ಮೂಬಗೆಯುಂಟು
ಮಕ್ಕಳೆ ಎಲ್ಲರು ಈ ಪರಿಯುಂಟು
ಹುಡುಗರಿಗಜ್ಞಾನವೆ ಅದು ಸಹಜ