ಪುಟ:Nanna Nalla.pdf/೨೧

೨೦

ನನ್ನ ನಲ್ಲ

3. ಶಿವಶರಣರ ಸವಿನುಡಿಗಳು

ಮರದೊಳಗೆ ಬೆಂಕಿಯನು | ಉರಿಯದಂತಿರಿಸಿದಯ್

ಬಿತ್ತಿನೊಳು ಗಿಡವನ್ನು | ಗೊತ್ತಾಗದಂತಿಟ್ಟೆ

ಸೊಂಪಿನಾ ತುಪ್ಪವನು | ಕಂಪಿಲ್ಲದಂದದಿಂ

ನೊರೆವಾಲೊಳಿರಿಸಿರುವ | ದೊರೆಯೆ | ದೊರೆ ನೀನಾರು ?

ಜಿಗಿವ ಮಿಂಚಿನ ಬಳ್ಳಿ | ಮುಗಿಲ ಮರೆಗಿರುವಂತೆ

ಹೊಳೆವ ಕಂಗಳ ಮರೆಗೆ | ಬೆಳಕು ತಾನಿರುವಂತೆ

ಇಲಿದೇರನಯ್ಯನಾ | ನಿಲವು ತಾನಿರ್ಪುದೈ

ಹೊಲೆಯರಾ ಬಾವಿಯೊಳು | ಎಲುವೊಂದು ನಟ್ಟಿರಲು

ಹೊಲೆಯೆನುವದೀ ಜಗವು | ಹಲವೆಲುವಿನಿಂದಾದ

ಮೆಲುವಂಥ ಬಾಯಿಂದೆ | ಬಲು ಸಟೆಯ ನುಡಿಯಲದು

ಹೊಲೆಯರಾ ಬಾವಿಯಿಂ | ಬಲು ಕೀಳು ತಾನಲ್ಲೆ ?

ಉರಿಯೊಳಿಹ ಕಪ್ಪುರಕೆ | ಕರಿಯುಂಟೆ ? ಮೃಗಜಲಕೆ

ಕೆಸರುಂಟೆ ? ಗಾಳಿಯೊಳು | ಪಸರಿಸಿದ ಪರಿಮಲಕೆ

ನೈರ್ಮಲ್ಯವುಂಟೇನೊ ? | ನಿಮ್ಮಡಿಯೊಳಿಂಬಾದ

ಕಲಿಗೆ ಭವವುಂಟೆ ? ಕೂ | ಡಲ ಸಂಗಮೇಶ್ವರಾ

______