ಈ ಪುಟವನ್ನು ಪರಿಶೀಲಿಸಲಾಗಿಲ್ಲ.
೪೪
ನನ್ನ ನಲ್ಲ
15. ಮಧುರಗೀತ
``ಸಕಲ ನಿಃಕಲನಯ್ಯಾ, ನಿಃಕಲ ಸಕಲನಯ್ಯಾ
ಸಕಲನಾಗಿ ಸಂಸಾರಿಯಲ್ಲ, ನಿಃಕಲನಾಗಿ ವೈರಾಗಿಯಲ್ಲ
ಸಂಸಾರಿಯಲ್ಲದ ಸಂಗ, ವೈರಾಗಿಯಲ್ಲದ ನಿಸ್ಸಂಗ
ಉಭಯ ಸಂಗದಿಂದ ಮಹತ್ತನೈದಿರ್ಪನಾಗಿ
`ಸ್ಥಾವರಂ ಜಂಗಮಂ ಚೈವ ದ್ವಿವಿಧಂ ಲಿಂಗಮುಚ್ಯತೇ'
ಎಂಬುದಾಗಿ ಕೂಡಲಚೆನ್ನಸಂಗಾ ನೀನಿದ್ದುದಂತೆ ಇರ್ಪನಲ್ಲದೆ
ನಿಮ್ಮ ಶರಣ ಕ್ಷೀಣನಲ್ಲ.
- ಚೆನ್ನ ಬಸವಣ್ಣ
ಮೊದಲನೆಯ ಮುದ್ದು
(ಕುಸುಮ ದ್ವಿಪದಿ)
ಬಲುದಿನದ ಬಯಕೆಯೊಂದಿತ್ತೆನ್ನ ತಮ್ಮಯ್ಯ
ನಿನ್ನ ಮೇಲೊಂದು ಹಾಡೇನೆಂಬುವಾ
ಹಲವು ದಿನದಿಂದಲೂ ಪ್ರತಿಭೆ ಮಲಗಿದ್ದವಳು
ಇಂದಿದೇ ಎದ್ದಿಹಳು ಬಾ ನೋಡುವಾ 1
ನಿನ್ನ ನೆವದಿಂದೆನ್ನ ಗೆಳೆತನದ ಕುಲಕೋಟಿ
ಗೆಲ್ಲ ನನ್ನೊಲವಿನಾ ಸಿರಿಯ ಪೇಳ್ವೆ
ಇನ್ನೇನು ಈ ಸಂಧಿ ನನ್ನ ಕಕ್ಕುಲತೆಯಾ
ಬರವ ಹಿಂಗಿಸಿತೆಂದೆ ತಿಳಿದುಕೊಳ್ವೆ 2
ಸಂಗ ಸಂಸ್ಕೃತಿ ಮೂಲ ಬುದ್ಧಿ ಬಳಕೆಯ ಸುಫಲ
ಇದು ತಾನೆ ಭೌತಿಕದ ಬೀಜಮಾತು
ಅಂಗ ಬಾರದ ಮುನ್ನ ಆತ್ಮ ಬಾರದೆ ಇಲ್ಲ
ಹಿಂದಿನದೆ ಇಂದು ಇದು ಶಾಸ್ತ್ರಹೇತು 3