ಈ ಪುಟವನ್ನು ಪರಿಶೀಲಿಸಲಾಗಿಲ್ಲ.
೬೫
ನನ್ನ ನಲ್ಲ
17. ಸುಖ-ದುಃಖ
ಸುಖವು ಬೀದಿಯ ನೆರಳ | ದುಃಖವು ದೂಡುವ ಬಿಸಿಲ
ಸುಖ-ದುಃಖ ನಮಗ ಸರಿಸವನ | ತಂಗೆಮ್ಮಾ
ಒಂದುಬಿಟ್ಟೊಂದು ದೊರಿಯಾವ 1
ಸುಖಕ ಮರುಳಾದೀವ | ದುಃಖಕ ಬ್ಯಾಸತ್ತೀವ
ಸುಖ ಬೇಡಿ ಮನವು ಮಲಮಲ | ತಂಗೆಮ್ಮಾ
ದುಃಖ ನೋಡಿ ಜೀವ ಗಲಬಲ 2
ಸುಖವಂತ ಹಿಡಿದೀವ | ದುಃಖವಾಗಿ ಪಡೆದೀವ
ಹೂವಲ್ಲ ಜಾಣಿ ಹುಳ ನೋಡ | ತಂಗೆಮ್ಮಾ
ಬೆಳದಿಂಗಳಲ್ಲ ಉರಿಬಿಸಿಲ 3
ಮುತ್ತಂತ ಮುಟ್ಟೀವ | ಕಿಡಿಯಾಗಿ ಕಚ್ಚ್ಯಾವ
ಹಣ್ಣಲ್ಲ ಜಾಣಿ ಹಿಡಿಗೆಂಡ | ತಂಗೆಮ್ಮಾ
ಬಳ್ಳೆಲ್ಲ ಬಿಗಿದ ಬಲಿ ನೋಡ 4
ನೆಲವಂತ ನಿಂತೀವ | ನೀರಾಗಿ ನುಂಗೀತ
ಬೆಣ್ಯಲ್ಲ ಜಾಣಿ ಬಿಳಿ ಸುಣ್ಣ | ತಂಗೆಮ್ಮಾ
ಪರಿಮಳವಲ್ಲ ವಿಷಗಾಳಿ 5
ಜಪ್ಪೀಸಿ ನಡಿದೀವ | ತಪ್ಪೀಸಿ ಒಯ್ದೀತ
ನಿಂತನಿಂತಲ್ಲೆ ನುಂಗೀತ | ತಂಗೆಮ್ಮಾ
ಬಲ್ಲಂದ ದಿಕ್ಕಿಗೆಳಸೀತ 6
ತಪ್ಪೀಸಿ ನಡಿದೀವ | ಜಪ್ಪೀಸಿ ಹಿಡಿದೀತ
ಜಾರಟಿಗೆ ಕಾಲ ಜಾರೀತ | ತಂಗೆಮ್ಮಾ
ಹಾರಟಿಗೆ ರೆಕ್ಕಿ ಮುರಿದೀತ 7