ಪುಟ:Nanna Nalla.pdf/೯೮

೯೭

ನನ್ನ ನಲ್ಲ

33. ಜೀವನ

ಓಂ ಜಯ ತಾಯೇ ಓಂ ಜಯ ತಂದೇ

ಓಂ ಜಯ ಜಗತಃಪಿತರೌ ವಂದೇ

ಭ್ರಾತೃಗಳೀ ಲೋಕದ ಜನವೆಲ್ಲಾ

ಮಾತೃದೇವಿ ನಿನ್ನಯ ಸುತರೆಲ್ಲಾ

ಜಯ ಜಯ ಸಕಲಾ ! ಜಯ ಜಯ ನಿಖಿಲಾ !!

ಜಯ ಜಯ ಜನನೀ-ಜನಕರಲೀಲಾ

• * * *

ಏನೀ ಜಗದಲಿ ಇರುವುದರರ್ಥ ?

ಏನೀ ಜಗದಲಿ ಮಾಳ್ಪುದರರ್ಥ?

ಇರುವುದು ಜನನೀ-ಜನಕರ ಕೃಪೆಗೆ

ಇರುವುದು ಅವರಾ ಕೃಪೆಯ ನಲಿವಿಗೆ

ಇರುವುದು ಅವರಾ ಸೇವೆಯ ದೆಸೆಯಿಂ

ಇರುವುದು ನನ್ನಾ ಶುದ್ಧಿಯ ದೆಸೆಯಿಂ

• * * *

ಮಾಳ್ಪುದಕಿಲ್ಲಿ ಕಾರ್ಯಗಳೆನಿತೋ

ಮಾಳ್ಪುದು ಅವರಾ ಇಚ್ಛೆಯನರಿತೋ

ಮಾಳ್ಪುದು ನನ್ನಾ ಇಚ್ಛೆಗೆ ಅಲ್ಲ

ಮಾಳ್ಪುದು ನನ್ನಾ ಲಾಭಕೆ ಅಲ್ಲ

ಮಾಳ್ಪುದ ಬಿಟ್ಟು ನಡೆಯುವದಿಲ್ಲ

ಮಾಳ್ಪುದೆ ಅದರಿಂ ಶಾಸ್ತ್ರದ ಸೊಲ್ಲ

• * * *