ವಿಷಯಕ್ಕೆ ಹೋಗು

ಯಮನೆಲ್ಲೋ ಕಾಣೆನೆಂದ್ಹೇಳಬೇಡ

ವಿಕಿಸೋರ್ಸ್ದಿಂದ

ಯಮನೆಲ್ಲೋ ಕಾಣೆನೆಂದ್ಹೇಳಬೇಡ

[ಸಂಪಾದಿಸಿ]
ರಾಗ: ಶಂಕರಾಭರಣ ತಾಳ: ಆದಿ

ಯಮನೆಲ್ಲೋ ಕಾಣೆನೆಂದಹೇಳಬೇಡ
ಯಮನೆ ಶ್ರೀರಾಮನು ಸಂದೇಹ ಬೇಡ ||ಪ||

ನಂಬಿದ ವಿಭೀಷಣಗೆ ರಾಮನಾದ
ನಂಬದಿದ್ದ ರಾವಣಗೆ ಯಮನಾದ ||೧||

ನಂಬಿದ ಅರ್ಜುನನಿಗೆ ಭೃತ್ಯನಾದ
ನಂಬದ ದುರ್ಯೋಧನನಿಗೆ ಮೃತ್ಯುವಾದ ||೨||

ನಂಬಿದ ಪ್ರಹ್ಲಾದನಿಗೆ ಹರಿಯಾದ
ನಂಬದ ಹಿರಣ್ಯಕನಿಗೆ ಉರಿಯಾದ ||೩||

ನಂಬಿದ ಉಗ್ರಸೇನಗೆ ಮಿತ್ರನಾದ
ನಂಬದಿದ್ದ ಕಂಸನಿಗೆ ಶತ್ರುವಾದ ||೪||

ನಂಬಿಕೊಳ್ಳಿ ಬೇಗ ಶ್ರೀಕೃಷ್ಣದೇವನ
ಕಂಬು ಚಕ್ರಧಾರಿ ಪುರಂದರವಿಠಲನ ||೫||
 ರಚನೆ:- ಪುರಂದರದಾಸರು.[೧]

ಮೈಸೂರು ವಿಶ್ವವಿದ್ಯಾನಿಲಯ ವಿಶ್ವಕೋಶ/ಪುರಂದರದಾಸರು

ಪರಿವಿಡಿ

[ಸಂಪಾದಿಸಿ]

ಉಲ್ಲೇಖ

[ಸಂಪಾದಿಸಿ]
  1. ↑ ದಾಸವಾಣಿ