ಶ್ರೀ ಕೃಷ್ಣ - ಕೃಷ್ಣ ನೀ ಬೇಗನೆ ಬಾರೊ..
ಸಾಹಿತ್ಯ: ಶ್ರೀ ವ್ಯಾಸರಾಯರು
ರಾಗ : ಯಮುನ ಕಳ್ಯಾಣಿ
ತಾಳ : ಛಾಪು
ಗಾಯನ: ಡಾ|ಕೆ.ಜೆ. ಜೇಸುದಾಸ್
ಕೃಷ್ಣ ನೀ ಬೇಗನೆ ಬಾರೊ |೫|
ಮುಖವನ್ನು ತೋರೊ
ಕೃಷ್ಣ ನೀ ಬೇಗನೆ ಬಾರೊ..
ಕಾಲಲಂದಿಗಿ ಗೆಜ್ಜೆ ... ನೀಲದ ಬಾವುಲಿ
ನೀಲ ವರ್ಣನೆ ನಾಟ್ಯವ ಆಡುತ ಬಾರೊ |೨|
ಕೃಷ್ಣ ನೀ ಬೇಗನೆ ಬಾರೊ..
ಉಡಿಯಲ್ಲಿ ಉಡುಗೆಜ್ಜೆ.. ಬೆರಳಲ್ಲಿ ಉಂಗುರ |೨|
ಕೊರಳೊಳು ಹಾಕಿದ್ದ ವೈಜಯಂತಿ ಮಾಲೆ |೨|
ಕೃಷ್ಣ ನೀ ಬೇಗನೆ ಬಾರೊ..
ಕಾಶಿ ಪಿತಾಂಬರ.. ಕೈಯಲ್ಲಿ ಕೊಳಲು |೨|
ಪೂಸಿದ ಶ್ರೀಗಂಧ ಮೈಯೋಳು ಘಮ ಘಮ |೨|
ಕೃಷ್ಣ ನೀ ಬೇಗನೆ ಬಾರೊ..
ತಾಯಿಗೆ ಬಾಯಲ್ಲಿ.. ಜಗವನ್ನು ತೋರಿದ |೩|
ಜಗದೋದ್ದಾರಕ ನಮ್ಮ ಉಡುಪಿ ಶ್ರೀ ಕೃಷ್ಣ! |೩|
ಕೃಷ್ಣ ನೀ ಬೇಗನೆ ಬಾರೊ
ಮುಖವನ್ನು ತೋರೊ
ಕೃಷ್ಣ ನೀ ಬೇಗನೆ ಬಾರೊ.. |೩|
ಕನ್ನಡ ವಿಕಿಸೋರ್ಸ್[ಸಂಪಾದಿಸಿ]
ಹಳಗನ್ನಡ ಸಾಹಿತ್ಯ| ಪಂಪಭಾರತ |ಜೈಮಿನಿ ಭಾರತ |ಕುಮಾರವ್ಯಾಸ ಭಾರತ | ನಾಡಗೀತೆಗಳು | ಜನಪದ ಸಾಹಿತ್ಯ | ಚಲನಚಿತ್ರ ಸಾಹಿತ್ಯ | ಚಲನಚಿತ್ರೇತರ ಸಾಹಿತ್ಯ |ಭಾವಗೀತೆಗಳು | ಭಕ್ತಿಗೀತೆಗಳು | ದಾಸ ಸಾಹಿತ್ಯ | ವಚನ ಸಾಹಿತ್ಯ | ತಾತ್ವಿಕ ಸಾಹಿತ್ಯ | ಭಗವದ್ಗೀತೆ |
ಮಂಕುತಿಮ್ಮನ ಕಗ್ಗ | ಶಿಶು ಸಾಹಿತ್ಯ | ಕವನ ಸಂಕಲನಗಳು | ಸಂಪ್ರದಾಯ ಗೀತೆಗಳು |ಮಂಕುತಿಮ್ಮನ ಕಗ್ಗ| |ಸರ್ವಜ್ಞ |
ಜೀವನ ಚರಿತ್ರೆ|ಸ್ತೋತ್ರಗಳು|ಸಂಸ್ಕೃತ ಸಾಹಿತ್ಯ