ಅಂಗದ ಲಿಂಗವೆ ಮನದ

ಲೇಖಕರು: Allama Prabhu

ಶೀರ್ಷಿಕೆ: vachana saahitya

ವರ್ಷ: 1120-1160 AD

ಪ್ರಕಾಶಕರು: anubhava mantapa

ಮೂಲ: vachana saahitya

---

ಅಂಗದ ಲಿಂಗವೆ ಮನದ ಲಿಂಗ
ಮನದ ಲಿಂಗವೆ ಭಾವದ ಲಿಂಗ
ಭಾವದ ಲಿಂಗವೆ ಜಂಗಮದಾಸೋಹ
ದಾಸೋಹವೆಂಬುದು ಸಂದಿಲ್ಲದ ನಿಜ ನೋಡಾ. ಅದರಂದವನೆ ತಿಳಿದು ನಿಂದ ನಿಲುಕಡೆಯ ಭೇದವ ಕೇಳಬೇಕೆಂದು ಬಂದಲ್ಲಿಯೆ ತಿಳುಹಬೇಕಯ್ಯಾ. ಇಂತೀ ಪ್ರಕಾರದಲ್ಲಿ ಸಂದ ಸೌಖ್ಯದ ಭೇದವನು
ಸಂದಿಲ್ಲದ ಲಿಂಗದ ನಿಜವನು
ಇಂದು ನಮ್ಮ ಗುಹೇಶ್ವರಲಿಂಗದಲ್ಲಿ ಚಂದಯ್ಯಂಗೆ ತಿಳುಹಿ ಕೊಡಾ ಚೆನ್ನಬಸವಣ್ಣಾ.