ಅಯ್ಯಾ, ವಾಕ್ಕನೂ ಮೀರಿ,

  

ಶೀರ್ಷಿಕೆ	vachana saahitya
ಲೇಖಕ	Tomtada Siddalingeshwara ShivaYogigaLu
ವರ್ಷ	1550-1600 AD
ಪ್ರಕಾಶಕರು	anubhava mantapa
ಆಕರ	vachana saahitya

ಪುಟಗಳು   (ಪುಟದ ಸ್ಥಿತಿಗತಿ ಗೆ ಕೀಲಿ)

ಅಯ್ಯಾ
ವಾಕ್ಕನೂ ಮೀರಿ
ಮನಸ್ಸನೂ ಮೀರಿ
ಅಕ್ಷರಂಗಳನೂ ಮೀರಿ
ಜ್ಞಾನವನೂ ಮೀರಿ ತೋರುವ ನಿರುಪಮವಸ್ತುವೆಂಬುತಿದ್ದಿರಿ: ಅದು ರೂಪಾಗಿ
ಎನ್ನ ಕರಸ್ಥಲಕ್ಕೆ ಇಷ್ಟ
ಮನಸ್ಥಲಕ್ಕೆ ಪ್ರಾಣವಾಗಿ
ಭಾವದಲ್ಲಿ ಭರಿತವಾಗಿ
ತೀವಿ ಪರಿಪೂರ್ಣವಾಗಿ
ಎಡೆಗಡೆಯಿಲ್ಲದೆಯಿಪ್ಪ ಭೇದವ ಕರುಣಿಸಿದಿರಿಯಯ್ಯಾ ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.