Library-logo-blue-outline.png
View-refresh.svg
Transclusion_Status_Detection_Tool

ಖಂಡಿತಭಾವವಳಿದು ? ಅಖಂಡಬ್ರಹ್ಮದಲ್ಲಿ

ವಿಕಿಸೋರ್ಸ್ ಇಂದ
Jump to navigation Jump to search



Pages   (key to Page Status)   


ಖಂಡಿತಭಾವವಳಿದು ಅಖಂಡಬ್ರಹ್ಮದಲ್ಲಿ ಅವಿರಳ ಸಮರಸದಿಂದಡಗಿದ ಶರಣಂಗೆ ಜ್ಞಾನಕ್ರಿಯೆಯೆಂಬುದೇನೊ ? ಧ್ಯಾನಮೌನವೆಂಬುದೇನೊ ? ನೇಮ ನಿತ್ಯವೆಂಬುದೇನೊ ? ಜಪತಪವೆಂಬುದೇನೊ ? ಅರುಹು ಆಚಾರವೆಂಬುದೇನೊ ? ಕುರುಹು ಪೂಜೆಯೆಂಬುದೇನೊ ? ಇಂತೀ ಮೇರೆಯುಳ್ಳನ್ನಕ್ಕರ ಭಿನ್ನಫಲಪ್ರಾಪ್ತಿಯಲ್ಲದೆ
ಮುಂದೆ ಅವಿರಳ ಸಮರಸ ನಿಜೈಕ್ಯ ನಿರವಯಲ ಪದವಿನ್ನೆಲ್ಲಿಯದೊ ? ಇದನರಿದು ಇಂತಿವೆಲ್ಲವು ಹಾಳು ಸಂಕಲ್ಪ
ವಿಪರೀತ ಭ್ರಾಂತಿ
ಅಜ್ಞಾನವೆಂದು ತಿಳಿದು
ಇವನೆಲ್ಲವ ವಿಭಾಗಿಸಿ ಕಳೆದು
ಬಚ್ಚಬರಿಯ ಬಯಲಬ್ರಹ್ಮವೆ ತನ್ನ ನಿಜದ ನಿಲವೆಂದು ತಿಳಿದು
ದಗ್ಧಪಟನ್ಯಾಯದಂತೆ ದೇಹವಿರ್ದು ನಿರ್ದೇಹಿಯಾಗಿರ್ದನಯ್ಯಾ ನಿಮ್ಮ ಶರಣ ಅಖಂಡೇಶ್ವರಾ.