೮೯
ಉ|| ಮುತ್ತಿನ ಪೊನ್ನ ಪೆರ್ದುಡುಗೆಯಂ ವಸನಂಗಳನಿತ್ತರಣ್ಯದೊಳ್||
ನಿತ್ತರಿಪಂತು ನಾಡ ಗಡಿಯಂ ಮುರಿದುಂ ಪುಗದಂತವಂಗೆ ಭೂ||
ಪೋತ್ತಮನಾಜ್ಞೆಯೆಂಬ ಮಣಿಮಂಡನಮಂ ನಡುನೆತ್ತಿಗಿತ್ತು ದಿ|
ಗ್ಭಿತ್ತಿಗೆ ಕೀರ್ತಿಚಂದನ ವಿಲೇಪಮನಿತ್ತನಿದೇನುದಾತ್ತನೋ||೭೪||
ಕಂ|| ಪ್ರಬಲನಬಲನವೊಲಂತಾ
ಶಬರಂ ಬೀಳ್ಕೊಂಡು ಬೇಗನೆಂದುದನೇಗೊ೦||
ಡು ಬರ್ದು೦ಕಿ ಪೋದನೆನೆ ರಾ
ಮಬಾಣಮಂ ಕದನಭೂಮಿಯೋಳ್ ಮೀರುವರಾರ್||೭೫||
ಆಗಳನೇಕಮಂಗಳಾನಕ ರವಂಗಳೊಡನೆ--
ಕಂ॥ ನಗುವಂತೆ ಪೆರರ ಬಿಲ್ಬ
ಲ್ಮೆಗಳಂ ತಣ್ಬೆಳಗನುಗುಳೆ ಪೂಜಿಪ ನೆವದಿ೦||
ಜಗದಧಿಪ ಧನುರ್ಗುಣಮಂ
ತ್ರಿಗುಣಿಸಿದಂ ತೋರಮುತ್ತಿನೇಕಾವಳಿಯಿಂ||೭೬||
ಅಂತು ಪೂಜಿಸಿ--
ಉ|| ಮಾರಣಮಂತ್ರ ನಾದಮೆನಿಸಿತ್ತು ವಿರೋಧಿಗೆ ಶಾ೦ತಿಕಕ್ರಿಯಾ|
ಕಾರಣ ಮ೦ತ್ರನಾದಮೆನಿಸಿತ್ತು ಧರಿತ್ರಿಗೆ ಮೃತ್ಯು ವಂಚನೋ||
ಚ್ಚಾರಣ ಮಂತ್ರನಾದಮೆನಿಸಿತ್ತೆಮಗಚ್ಚರಿ ನಿನ್ನ ಚಾಪ ಟಂ|
ಕಾರ ನಿನಾದಮೊಂದೆ ಪಲವುಂ ತೆರನಂ ತಳೆದಂದಮಾವುದೋ||೭೭||
ಕಂ||ಏನಂ ಪ್ರತ್ಯುಪಕಾರಮ
ನಾನೊಡರಿಸುವೆಂ ಕುಮಾರ ಕನ್ನೆಯನಿತ್ತೆ೦||
ಮೇನಕೆಯಿಂ ಮಿಗಿಲೆನಿಸಿದ
ಜಾನಕಿಯಂ ಮದನ ವಶ್ಯ ಮಣಿದೀಪಿಕೆಯಂ||೭೮||
ಅನುಬಂಧಮನ್ವಯಾ ಗತ
ಮೆನಿಸಿದುದದನಧಿಕಮಾಗೆ ಮಾಲ್ಪೆನುನಯದಿಂ||
ದನನುಗುಣ ಸಸ್ಯ ಸಂಪಾ
ದನ ಸೀತೆಯೆನಿಪ್ಪ ಸೀತೆಯಂ ನಿನಗಿತ್ತೆಂ||೭೯||
ಎಂದು ನುಡಿದು ರಾಮನುಮಂ ಸೌಮಿತ್ರಿಯುಮಂ ವಿಚಿತ್ರ ವಸ್ತ್ರಭೂಷಣಾದಿ
