ಯಾದವ ನೀ ಬಾ
ರಚನ: ಪುರಂದರದಾಸರು
ಯಾದವ ನೀ ಬಾ ಯದುಕುಲನಂದನ
ಮಾಧವ ಮಧುಸೂದನ ಬಾರೊ || ಪ ||
ಸೋದರಮಾವನ ಮದುರಲಿ ಮಡಹಿದ
ಯಶೋದೆ ಕಂದೆ ನೀ ಬಾರೊ || ಅ. ಪ. ||
ಕನಕಾಲಂದಗಿ ಘುಲು ಘುಲು ಯೆನುತಲಿ
ಝಣಝಣ ವೆನುತಿಹ ನಾದಗಳು |
ಚಿಣಿಕೊಳು ಚೆಂಡು ಬುಗರೆಯನಾಡುತ
ಸಣ್ಣ ಸಣ್ಣ ಗೊವಳರೊಡಿ ಬಾರೊ || ೧ ||
ಶಂಖ ಚಕ್ರವು ಕೈಯಲಿ ಹೊಳಿಯುತ
ಬಿಂಕದ ಕೋವಲ ನೀ ಬಾರೊ |
ಅಕಳಂಕ ಮಹಿಮನೆ ಆದಿನಾರಾಯಣ
ಬೇಗಂಪೆ ಭಕುತರಿಗೊಲಿ ಬಾರೊ || ೨ ||
ಖಗವಾಹನನೆ ಬಗೆಬಗೆರೂಪನೆ
ನಗೆಮೊಗದರುಶನೆ ನೀ ಬಾರೊ |
ಜಗದೊಳು ನಿನ್ನಯ ಮಹಿಮೆಯ ಪೊಗಳುವ
ಪುರಂದರವಿಠ್ಠಲ ನೀ ಬಾರೊ || ೩ ||