ಹುಸಿಯುಳ್ಳವ ಭಕ್ತನಲ್ಲ, ವಿಷಯವುಳ್ಳವ

ಶೀರ್ಷಿಕೆ: vachana saahitya

ವರ್ಷ: 1144-1168 AD

ಪ್ರಕಾಶಕರು: anubhava mantapa

ಮೂಲ: vachana saahitya

ಹುಸಿಯುಳ್ಳವ ಭಕ್ತನಲ್ಲ
 ವಿಷಯವುಳ್ಳವ ಮಾಹೇಶ್ವರನಲ್ಲ
 ಆಸೆಯುಳ್ಳವ ಪ್ರಸಾದಿಯಲ್ಲ
 ಜೀವಗುಣವುಳ್ಳವ ಪ್ರಾಣಲಿಂಗಿಯಲ್ಲ
 ತನುಗುಣವುಳ್ಳವ ಶರಣನಲ್ಲ
 ಜನನಮರಣವುಳ್ಳವ ಐಕ್ಯನಲ್ಲ. ಈ ಆರರ ಅರಿವಿನ ಅರ್ಕದ ಸಂಪತ್ತಿನ ಭೋಗ ಹಿಂಗಿದಡೆ ಸ್ವಯಂ ಜಾತನೆಂಬೆ._ಆ ದೇಹ ನಿಜದೇಹವೆಂಬೆ ಆ ನಿಜದೇಹ ಇರಿದರರಿಯದು
 ತರಿದರರಿಯದು
 ಹೊಯ್ದರರಿಯದು
 ಬಯ್ದರರಿಯದು
 ಸ್ತುತಿಸಿದರರಿಯದು
 ನಿಂದಿಸಿದರರಿಯದು
 ಪುಣ್ಯವನರಿಯದು
 ಪಾಪವನರಿಯದು
 ಸುಖವನರಿಯದು ದುಃಖವನರಿಯದು
 ಕಾಲವನರಿಯದು
 ಕರ್ಮವನರಿಯದು ಜನನವನರಿಯದು
 ಮರಣವನರಿಯದು_ ಇಂತೀ ಷಡುಸ್ಥಲದೊಳಗೆ ತಾ ಒಂದು ನಿಜವಿಲ್ಲವಾಗಿ ನಾವು ಹಿರಿಯರು ನಾವು ಗುರುಗಳು ನಾವು ಸಕಲಶಾಸ್ತ್ರಸಂಪನ್ನ ಷಡುಸ್ಥಲದ ಜ್ಞಾನಿಗಳು ಎಂಬ ಮೂಕೊರೆಯರ ಮೆಚ್ಚುವನೆ ಕೂಡಲಚೆನ್ನಸಂಗಮದೇವ ? ಕುತ್ತಗೆಯುದ್ದ ಹೂಳಿಸಿಕೊಂಡು ಮುಗಿಲುದ್ದಕ್ಕೆ ಹಾರಲುಂಟೆ ?