ಕನ್ನಡ ಪರಮಾರ್ಥ ನೋಪಾನ
ಸೂಳಿ ಗೆಳೆಯರು ಕೂಡಿ ಬಂದರೆ ಹಿಗ್ಗುವಂತೆ | ನಮ್ಮ ತಾಯಿ ತಂದೆಯೆಂದು ಪಾದಕ್ಕೆರಗುವಂತೆ ||
ರಾತ್ರಿ ತುಡುಗರು ಬಂದರೆ ಸದ್ದು ರುವಿನಂತೆ | ಇದ್ದದೆಲ್ಲಾ ಕೊಟ್ಟು ಕಾಲ ಹಿಡಿಯುವಂತೆ
ವೈರಿ ಹೊಡೆಯಲಿಕ್ಕೆ ಬಂದರೆ ನಗುವಂತೆ | ನಾ ಬಡಿಸಿಕೊಂಡು ಕಾಲ ಹಿಡಿದುಕೊಳ್ಳುವಂತೆ ||
ನನ್ನ ಕೈ ಮುಟ್ಟಿ ದೇಹ ಕಡಿದು ಕೊಡುವಂತೆ | ಗುರು ಆಶೀರ್ವಾದ ಪೂರ್ಣ ಆಯಿತಂತೆ
ವಾದವೆಲ್ಲ ವೇದಾರ್ಥ ಆಗುವಂತೆ | ನಾ ಅರ್ಥಮಾಡಿ ಹಾಡ್ಯಾಡಿ ನಗುವಂತೆ ||
ಷಡ್ ರುಚಿಗಳು ಬೇವಿನ ಕಾಯಿ ತಿಂದಂತೆ | ನಿಮ್ಮ ನಾಮದ ರಸವು ಜೇನತುಪ್ಪಾ ಸುರದಂತೆ
ಈ ದೃಶ್ಯವೆಲ್ಲಾ ಶಿವಮಯವಾಗುವಂತೆ | ಈ ದೃಶ್ಯವಿಲ್ಲದಾಗಿ ಅಡಗಿ ಹೋಗುವಂತೆ ||
ಶಬ್ದದೊಳು ಶಬ್ದ ಹೋಗಿ ಕೂಡುವಂತೆ | ನಿಃಶಬ್ದದೊಳು ಓಂಕಾರ ಪಾಡುವಂತೆ
ಕತ್ತಲಿ ಬಿತ್ತಲಿ ಗೊತ್ತು ಇಲ್ಲದಂತೆ | ನಾ ಅಲ್ಲಿ ಇಲ್ಲಿ ಎಲ್ಲಿ ಏನು ಎಂಬುವಂತೆ ||
ತಾರೆ ಕಡಿದು ಸೂರ್ಯ ಕೆಳಗೆ ಬಂದಂತೆ | ಗುರು ನಂದ್ಯಾಳ ಸಂಗನ ದಯ ಪೂರ್ಣವಾಗುವಂತೆ
ನೈತಿಕ ಕಾಳಗದಿಂದ ಲಭಿಸಿದ ಆನಂದಪರವಶತೆ ( ರಾಗ, ಮಿಶ್ರ ಕಾಫಿ, ತಾಲ-ಕೇರವಾ)
ಮಣಿಯದೆ ಮಲಗಿದೆನೋ | ನಾನು | ದಣಿಯದೆ ಮಲಗಿದೆ
ಮಣಿದು ಗುರುವಿಗೆ | ಹಣಿದು ಶತ್ರುವ | ಹರಿಸಿ ರಕ್ತವಾ | ಕುಣಿಸಿ ತಲೆಗಳ |
ಧಣಿ ಧಣಿ ಧಣಿ ಧಣಿ ನಾದವ ಕೇಳುತ | ಮಣಿಮಂಟಪದುನ್ಮನಿ ಬೈಲಲಿ ನಾ ||
