ಮುಟ್ಟದ ಮುನ್ನ ನರರು
ಸುರರು
ಕಿನ್ನರರು ಮೊದಲಾದವರೆಲ್ಲರೂ ಪಿಂಡವೆಂಬ ಭಾಂಡದಲ್ಲಿ ಅಡಗಿದರಾಗಿ ನಾನವರ ರೂಪಿಸಬಲ್ಲೆ. ದೇವಗಣ ಪ್ರಮಥಗಣ
ರುದ್ರಗಣಂಗಳೆಂಬವರೆಲ್ಲರೂ ಬ್ರಹ್ಮಾಂಡವೆಂಬ ಭಾಂಡದಲ್ಲಿ ಅಡಗಿದರಾಗಿ
ನಾನವರ ಭಾವಿಸಬಲ್ಲೆ. ಸತ್ಯರು
ನಿತ್ಯರು
ಮುಕ್ತರೆಂಬ ಮಹಾಮಹಿಮರೆಲ್ಲರೂ ಚಿದ್ಭಾಂಡವೆಂಬ ಭಾಂಡದಲ್ಲಿ ಅಡಗಿದರಾಗಿ
ನಾನವರನರಿದು ಬಲ್ಲೆ. ಇಂತೀ ತ್ರಿಭಾಂಡವನೊಳಕೊಂಡ ಆ ಅಖಂಡಿತದಿರವೆ ತಾನೆಂದರಿದ ಲಿಂಗೈಕ್ಯನ ರೂಹಿಸಲಿಲ್ಲಾಗಿ
ಭಾವಿಸಲಿಲ್ಲಾಗಿ
ಅರಿಯಲಿಲ್ಲ. ಅರಿವೆ ತಾನೆಂದರಿದ ಬಳಿಕ
ಗುಹೇಶ್ವರನೆಂಬುದು ಬಯಲು ನೋಡಾ !
