ಅಮಲರಪ್ಪವರಾರೆಂದಡೆ; ಅನಾದಿಮಲ ಸಂಸಾರವೆಂದರಿದು

ವಿಕಿಸೋರ್ಸ್ದಿಂದ



Pages   (key to Page Status)   


ಅಮಲರಪ್ಪವರಾರೆಂದಡೆ; ಅನಾದಿಮಲ ಸಂಸಾರವೆಂದರಿದು ನಿರ್ಮೋಹಿಗಳಾದವರು. ಅಕಾಯಚರಿತ್ರರಾರೆಂದಡೆ; ಸದ್ಗುರುಪಥದಲ್ಲಿ ನಿಂದು
ಆನೆಂಬ ತನುಗುಣವಳಿದವರು. ಆದಿ-ಅನಾದಿಗಳೆಂಬೆರಡಳಿದವರಾರೆಂದಡೆ ಶಾಂತಿಸ್ಥಲದಲ್ಲಿ ನಿಂದು ಪರಮಸುಖಿಗಳಾಗಿಪ್ಪವರು. ದ್ವೈತಾದ್ವೈತವನತಿಗಳೆದವರಾರೆಂದಡೆ
ತೋರುವ ತೋರಿಕೆ ನಿರ್ಮಲಸ್ವರೂಪರಾದವರು. ಅವರು ತಾವೆ ನಿಮಗರ್ಪಿತ
ನಿಮ್ಮಾಣೆ
ಕೂಡಲಚೆನ್ನಸಂಗಮದೇವಾ