________________
೧೫೦ ಎಲ್ಲ ರೂ ಬಾಳುವೆಡೆ ನಮಗೆ ಸಾವೆ ? ಎಲ್ಲರೂ ನಲಿವ ಕಡೆ ನಮಗೆ ನೋವೆ ? ಏನು ಕವಿಯಿತೊ ಮಂಕು, ಮಕ್ಕಳಿಗೆ ! ಯಾರೆರಚಿದರೊ ಬೂದಿ, ಕಾಣೆ, ನನ್ನ ನೊಲ್ಲರು ನನ್ನ ಮಕ್ಕಳೇ ! ತಾವೆ ಬಾಳಿ, ತಾಯ ಬಾಳಿಸರು. ಹೆರರ ನುಡಿ, ಹೆರರ ನಡೆ, - ಹೆರರ ಕೂಗೇ, ಕೂಗು ; ಹೆರರದೇ ಹೆಮ್ಮೆ! ನನ್ನ ಮನೆ ಹಾಳು ! ನನ್ನ ನುಡಿ ಬೀಳು ! ನನ್ನ ನಾಡಿನಲಿರುಳು : ನನ್ನ ತೋಟವನಗೆವ, ತೆಂಗಡಕೆಯಿಡುವ, ತಾವರೆಯ ಕಾಸಿಡುವ, ಮೊಲೆ ಮಲಿಗೆ ನೆಡುವ, ಆನಂದ ಕೊಡುವ ಮಕ್ಕಳೆಲ್ಲಿಹರೆನಗೆ - ಹೆರರೊತ್ತೆ ಗಡಿಬಿಡುತ ಹದುಗುತ್ತ, ನಂಗೆ ಕುಗ್ಗು ,,, ಹೆರರ ಕೈ ಕಾಯುತ್ತ, ಸಾಯದೆಯೇ ಬದುಕದೆಯೆ ಬಾಳ ನೂಕುವೆನು. ಅರಿದೆನರಿದೆನು ಮಾತನಾಡುವಳದಾರೆಂದು : ಕನ್ನಡದ ತಾಯಿ ! ನಮ್ಮ ಕನ್ನಡ ತಾಯಿ, ತನ್ನ ಹೊಂಬಸಿರಿಂದ ನಮ್ಮನ್ನು ತಂದು, ನಾವು ಬಿಟ್ಟೋಡೆ ಬಿಡದೆ, ಹಂಬಲಿಸಿ, ಮರುಹುಟ್ಟ, ಹಾರೈಸುತಿಹಳುನಾನೆಂದೆ, ಅಳಲನಾರಿಸ ಬಯಸಿ,-“ ಏಕಮ್ಮ , ಇನಿಸೆಂದು ಕೊರಗು ? ಬೇಡಮ್ಮ ಮಕ್ಕಳಲಿ ಇನಿಸೊಂದು ಕಡುಮುನಿಸು- ಬಾರಮ್ಮ, ಹರಸು. ನಿನ್ನ ನಾಡಿನೊಳದೆಕೊ ಬೆಳಕು ಮೂಡಿಹುದು- ಜೀವ ಕೂಡಿಹುದು. ನಿನ್ನ ಮಕ್ಕಳು ನಿದ್ದೆಗಳೆದೆದ್ದ ಸಿಂಹದಂತೇಳುತ, ಮೊಳಗಿ, ಕಣಕಿಳಿದು ಪಂಪ ನೃಪತುಂಗರಾ ಮಾತುಗಳು ದಿಟವೆನಿಸುತಿಹರು. ಸೆರೆಯನೊಕ್ಕಡೆಗೊಗೆದು, ಬಿಡುಗಡೆಯ ಕೈಕೊಂಡು, ಹಳ ನೆನಪು ನೆನೆದು, ಹೊಸ ಕಾಣೆಗಳ ಕಂಡು, ಸಾಮ್ರಾಜ್ಯಗಳ ಮತ್ತೆ ಕಟ್ಟುತಿಹರು. ನಿನ್ನ ನಾಡೊಂದಾಗಿ, ನಿನ್ನ ನುಡಿ ಮೇಲಾಗಿ, ಮನೆ ಮಕ್ಕಳೆಲ್ಲ ಪೇರೊಕ್ಕಲಾಗಿ ಮಾಡುವರು : , ತಾಯ್ ಬದುಕಿ, ತಾವ್ ಬದುಕಿ, ಹೆರರ ಬದುಕಿದರು : ಹಾಳು ಹಂಪೆಯ ನಡುವೆ, ನಡುಕಟ್ಟಿ ಮತ್ತೊಮ್ಮೆ ಮುಡಿಪಾಗಿ ತಾಯೆ ಭಕ್ತಿಯಲಿ ಜೀವವನು ಸಲಿಸುವರು- ಏಳು ! ಸಡಗರದ ಆ ಕೂಗ ಕೇಳು : ನಾಡು ಸಿಂಗರವಾಯು, ಬೀಡು ಹೆಬ್ಬೆಳಕಾಯು, ಅದೊ ಹಬ್ಬ ಮೆರೆತ ! ಹೆಣ್ಣ ಚೆಲುವನು ನೋಡು- ಗಂಡುಗಲಿಗಳ ನೋಡು-ಕಟ್ಟಾಳುಗಳನು. ರಾಜರನು, ಋಷಿಗಳನು, ಕವಿಗಳನು, ಧೀರರನು, ಕರವೀರರನು
