ಕನ್ನಡ ಪರಮಾರ್ಥ ಸೋಪಾನ
ಪ್ರೇಮದ ಹರಿಭಕ್ತ ಪುಂಡಲೀಕಾ | ರಾಮ ರಾಮ ರಾಮ ಸಾರ್ವ ಜನಕ
ಆತ್ಮನ ಸವಿಯನ್ನು ನೋಡಿದವರು | ತುಂಬರ ನಾರದ ಪುರಂದರದಾಸರು |
ಅಂಬರೀಷ ಋಷಿಗಳು ದುರ್ವಾಸರು | ತುಂಬಿಕೊಂಡರು ತಾವು ವ್ಯಾಸರಾಯರು
ಹರಿ ಹರಿ ಹರಿಯ ಸ್ಮರಣೆ ಮಾಡಬೇಕು | ಮೂರು ಗುಣಗಳಳಿದಿರಬೇಕು ||
ಬಿರುದ ಸಾರುತಿವೆ ವೇದ ನಾಲ್ಕು | ಪರಮ ಭಕ್ತ ಭೀಮದಾಸ ಸಾರ್ವ ಜನಕೆ
ದೇವರ ನಾಮವು ಕಾಮ ಪೂರೈಸುವ ಕಾಮಧೇನು
ಕರೆಯದಲೆ ಬಂದಿಹುದು- ಕರದುಣ್ಣಲಿಲ್ಲ ಹರಿನಾಮ ಕಾಮಧೇನುವನು
ನೆನವರ ಹೊರಿಯಲು ಅನುವಾಗಿ ಬಂದಿರಲು | ಮನುಜ ಮೈಮರೆವರೆ ನೀನು
ಮನವೆಂಬ ಕರುಬಿಟ್ಟು, ಘನಭಕ್ತಿ ಮುರವಿಟ್ಟು | ತನುವಿನ ಪಾತ್ರಿಲಿ ನೀನು
ಕರುಣ ಕೆಚ್ಚಲ ತೊರೆದು ಭೋರ್ಗರೆಯಲು | ಅರುವೆಂಬ ಕೈಯಿಂದ ನೀನು
ಗುರು ಮಹಿಪತಿ ಕಂದಗರುಹಿದ ನಿಜಾನಂದ | ಸಿರಿಸುಖ ಪಡಿಯ ನೀನು
ಡಾಂಭಿಕ ಸಂತರೂ ನಿಜವಾದ ಸಂತರೂ (ರಾಗ-ಪುರಿಯಾಧನಾಶಿ, ತಾಲ-ದೀಪಚಂದಿ)
ದಾಸನೆಂದರೆ ಪುರಂದರ ದಾಸನಯ್ಯ ವಾಸುದೇವ ಕೃಷ್ಣನ್ನ ಸೂಸಿ ಪೂಜಿಸುವ
ಗ್ರಾಸಕಿಲ್ಲದೆ ಪೋಗಿ ಪರರ ಮನೆಗಳ ಪೊಕ್ಕು | ದಾಸನೆಂದು ತುಲಸಿಮಾಲೆ ಧರಿಸಿ ||
ಬ್ಯಾಸರಿಲ್ಲದೆ ಅವರ ಕಾಡಿ ಬೇಡಿ ಬಳಲಿಸುತ | ಕಾಸು ಗಳಿಸುವ ಪುರುಷ ಹರಿದಾಸನೇ ?
