ಕನ್ನಡ ಪರಮಾರ್ಥ ಸೋಪಾನ
ಶ್ರೀಗಿರಿಯು ಶರೀರದೊಳಗುಂಟು | ಓಂ ಶ್ರೀಗುರುಸಿದ್ದಾ | ಯೋಗಿ ಜನರ ಮರ್ಮ ಬ್ಯಾರುಂಟು
ಆರು ಬೆಟ್ಟವ ದಾಟಿ ನಡೆದು | ಮೂರು ಕೊಳ್ಳದ ಮೂಲಕ್ಕಿಳಿದು ||
ಏರಿದೆನೊ ಕೈಲಾಸ ದ್ವಾರವ | ಓಂ ಶ್ರೀಗುರುಸಿದ್ದಾ | ಸಾರಿ ಬಡಗಲ ಗುಡಿಯ ಕಂಡೆನು
ಏಳು ಸುತ್ತಿನ ಕೋಟೆಯೊಳಗೆ | ನೀಲದುಪ್ಪರಿಗೆಗಳ ನಡುವೆ ||
ತಾಳ ಮದ್ದಲೆ ಗಂಟೆ ಭೇರಿಗಳು | ಓಂ ಶ್ರೀಗುರುಸಿದ್ದಾ | ವೇಳೆ ವೇಳೆಗೆ ತಾವೆ ನುಡಿಯುವವೊ
ಒಂಭತ್ತು ಬಾಗಿಲಗಳದರೆ | ಳಿಂಬಾದ ಬೀದಿಗಳು ನಾಲ್ಕು ||
ತುಂಬಿ ಸೂಸುವ ಕೊಳಗಳೇಳುಂಟು | ಓಂ ಶ್ರೀಗುರುಸಿದ್ದಾ | ಸ್ತಂಭವೆರಡು ಶಿಖರವೊಂದುಂಟು
ಪಾತಾಳ ಗಂಗೆಯೊಳು ಮಿಂದು | ಓತು ಶಿಖರೇಶ್ವರನಿಗೇರಿ ||
ಜ್ಯೋತಿರ್ಲಿಂಗಕ್ಕೆ ದೃಷ್ಟಿಯನಿಟ್ಟಿದೆನೋ | ಓಂ ಶ್ರೀಗುರುಸಿದ್ಧಾ | ಜ್ಯೋತಿರ್ಲಿಂಗವು ಕರದಿ ಕಾಣಿಸಿತೋ
ಬರುವ ಕೋಣಗಳೆಂಟ ಬಡಿದೆ | ಹಿರಿಯ ಹುಲಿಗಳನಾರ ತಡೆದೆ ||
ಮೊರೆವ ಸರ್ಪದ ಹೆಡೆಯ ಮೆಟ್ಟಿದೆನೋ | ಓಂ ಶ್ರೀಗುರುಸಿದ್ದಾ | ಚರಿಪ ಕಪಿಯನು ಹಿಡಿದು ಕಟ್ಟಿದೆನೋ
ಸಪ್ತ ನದಿಯ ಸಂಗಮ ದಾಟಿ | ಗುಪ್ತ ಕದಳೀ ಬನದಲ್ಲಿ ಸುಳಿದು ||
ಲಿಪ್ತ ಗುಹೆಯೊಳಗೊಬ್ಬನೆ ಪೊಕ್ಕಿದೆನೊ | ಓಂ ಶ್ರೀಗುರುಸಿದ್ದಾ | ಸಪ್ತವರ್ಣದ ಲಿಂಗವ ಕಂಡಿಹೆ
ಇಂದ್ರ ದಿಕ್ಕಿನೊಳೆದ್ದು ಸೂರ್ಯ- 1 ಚಂದ್ರ ಗುಪ್ತದ ಪುರದೊಳು ಮುಳುಗಿ ||
ಚಂದಚಂದದ ಬೆಳಕು ತೋರುವದು | ಓಂ ಶ್ರೀಗುರುಸಿದ್ದಾ | ನಿಂದು ನೋಡಲು ಬಯಲಿಗೆ ಬಯಲಾಯಿತೆ
