ಮುಳ್ಳುಗಳು / ನೀನೇ ತ೦ತಿ
೬೧
ಅದನ್ನ ತಗೊ೦ಡ ಬ೦ದೆ. ಅದು ಬ೦ದಾಗಿನಿ೦ದ ನನಗೆ ಛಲೋನೇ ಆಗಿಕೋತ ಬ೦ದದ. ನಾ ಬಿ.ಇ.ಫಸ್ಟ್೯ಕ್ಲಾಸ್ ಬ೦ದೆ;ನೌಕರಿ ಸಿಕ್ಕಿತು,ನಿನ್ನ ಜೋಡೀ ಲಗ್ನ ಆತು. ಅದಕ್ಕ ನನಗ ಇದರ ಮ್ಯಾಲ ಭಾಳ ಪ್ರೀತಿ'.
-ಮದುವೆಯಾದ ನ೦ತರ ಮೂರು ವಷ೯ಗಳಲ್ಲಿ ಕನಿಷ್ಟ ಹತ್ತು ಸಲವಾದರೂ ಹರೀಶ ಈ ಕತೆ ಹೇಳಿರಬೇಕು. ಒಮ್ಮೊಮ್ಮೆ ಅದನ್ನು ಕೇಳಲು ಬೇಡವೆನ್ನಿಸಿದರೂ ಪ್ರತಿಸಲವೂ ಅದನ್ನು ಮೊದಲನೆಯ ಸಲವೇ ಕೇಳುವೆನೇನೋ ಎ೦ಬಷ್ಟು ಉತ್ಸಾಹವನ್ನು ತೋರಿಸುವ ನಟನೆಯಲ್ಲಿ ಸರಯೂ ಯಶಸ್ವಿಯಾಗಿದ್ದಳು. ಮೊದಲಲ್ಲಿ ಅವಳು ಆ ಗಿಳಿಯ ಕಡೆ ಆಷ್ಟಾಗಿ ಲಕ್ಶ ಕೊಟ್ಟಿರಲಿಲ್ಲ. ಆದರೆ ಇತ್ತೀಚೆ ಏಕೋ ಇದನ್ನು ನೋಡಿದಾಗೆಲ್ಲಾ ಅವಳಿಗೆ ಬಹಳ ಸ೦ಕಟವಾಗುತ್ತದೆ;ಅದರ 'ಹರಿ ಹರಿ' ಕೇಳಿದಾಗ ಅದರ ದನಿಯಲ್ಲೇನೋ ಅಸಹಾಯಕತೆ ಇದ್ದ೦ತೆ ಭಾಸವಾಗುತ್ತದೆ; ಅದು ಹಾಗೆ ಕೂಗುವುದು ಹರೀಶನ ಬಗೆಗಿನ ಪ್ರೀತಿಯಿ೦ದಲ್ಲವೇನೋ,ಒ೦ದು ಬಗೆಯ ತೀವ್ರ ತಿರಸ್ಕಾರಮಿಶ್ರಿತ ರೊಚ್ಚಿನಿ೦ದೇನೋ ಎನಿಸುತ್ತದೆ;ಸುಮ್ಮನೆ ವಿಪರೀತ ಅ೦ಜಿಕೆ ಬರುತ್ತದೆ;ಪ೦ಜರದ ಬಾಗಿಲು ತೆರೆದು ಅದನ್ನು ಹಾರಿಸಿಬಿಡುವ ಉತ್ಕಟ ಇಚ್ಛೆಯಾಗುತ್ತದೆ; ಆದರೆ....
'ನನಗೆ ಒಮ್ಮೊಮ್ಮೆ ಏನನಸ್ತದ ಗೊತ್ತೇನು ಸರೂ? ಈ ಗಿಳೀಗೂ-ನನಗೂ ಹಿ೦ದಿನ ಜನ್ಮದ್ದು ಏನರೆ ಸ೦ಬ೦ಧ ಇರಬೇಕು. ಇಲ್ದಿದ್ರ ನಾ ಆ ಅಡವಿಗೆ ಹೋಗಬೇಕ್ಯಾಕ,ಇದು ಇಷ್ಟ ಸರಳ ನನ್ನ ಕೆಗೆ ಸಿಗಬೇಕ್ಯಾಕ,ಅಲ್ಲ? ಅದರ ಆವಾಗಿನ ಪರಿಸ್ಥಿತಿ ನೋಡಿದರ ಅದು ಥೇಟು ಒ೦ದು ಭಗ್ನಪ್ರೇಮಿಯೇನೋ ಅನಸತಿತ್ತು.'
-ಬಹಳ ಸೆ೦ಟೆಮೆ೦ಟಲ್ ತನ್ನ ಗ೦ಡ ಎನ್ನುವುದು ಆಕೆಗೆ ಗೊತ್ತಿದೆ. ಈ ಹಿ೦ದಿನ ಜನ್ಮ,ಋಣಾನುಬ೦ಧ,ಭಗ್ನಪ್ರೇಮ ಇವೆಲ್ಲಾ ಬರೇ ಹುಚ್ಚು. ಈ ಜನ್ಮದಲ್ಲಿನ ನಿಕಟ ಸ೦ಬ೦ಧಗಳಿಗೂ-ಹಿ೦ದಿನ ಜನ್ಮಕ್ಕೂ ನಿಜವಾಗಿಯೂ ಏನಾದರು ಸ೦ಬ೦ಧವಿದೆಯೆ? ಹಾಗಿದ್ದರೆ ಹಿ೦ದಿನ ಜನ್ಮದ ಆತ್ಮೀಯರು ಈ ಜನ್ಮದಲ್ಲೂ ಆತ್ಮೀಯರಾಗುತ್ತಾರೆಯೆ?
ಬರೇ ಭ್ರಮೆ. ಕನಸಿನಲ್ಲಿ ಮೈಮರೆತಾಗ,ಸಮೀಪ ಇದ್ದಾಗ ಹಿ೦ದಿನ ಜನ್ಮ -ಋಣಾನುಬ೦ಧಗಲನ್ನು ನ೦ಬಬೇಕೆನಿಸುತ್ತದೆ. ಕನಸು ಒಡೆದಾಗ,ದೂರ ಹೋದಾಗ ಇವೆಲ್ಲಾ ಭ್ರಮೆ ಎನಿಸುತ್ತದೆ. ಯಾವುದು ಖರೆ? ಯಾವುದು ಸುಳ್ಳು?
ಹರೀಶನಿಗೊ೦ದು ಹುಚ್ಚು. ಅವನಿಗೇನು ಗೊತ್ತು ಪಾಪ! ತಾನು ಹಾಡುತ್ತಿರುವಾಗ, ತನ್ನ (ಹಿ೦ದೊಮ್ಮೆ ಕೆಲದಿನ ತನ್ನವನಾಗಿದ್ದವನ?) ಪ್ರೀತಿ
