೨೪
ಹೊದಿಕೆಯನ್ನು ಹೊದ್ದಿದ್ದಳು. ದಪ್ಪನಾಗಿಯೂ, ಉನ್ನತವಾಗಿಯೂ ಇದ್ದ ಕುಚಗಳಿಂದ ಪರಿಪೂರ್ಣವಾದ ವಕ್ಷ ಸ್ಥಳದಲ್ಲಿ ಮುಖಮಲ್ಲಿನ ಕುಪ್ಪಸವನ್ನು ತೊಟ್ಟಿದ್ದಳು. ಮೂಗಿನಲ್ಲಿ ಥಳ ಥಳಿಸುವ ವಜ್ರದ ಮೂಗುತಿ. ಆಕೆಯ ದೇಹದಲ್ಲಿ ಭಂಗಾರದ ಕಾಂತಿಯು ಪ್ರಕಾಶಿಸುತಿದ್ದಿತು. ಆಕೆಯ ಅನಂತರೂಪದಲ್ಲಿ ಸೌಂದರ್ಯದ ರಾಶಿಯು ಮೇಲೆ ಮೇಲೆ ಉಕ್ಕಿ ಬರುತಿದ್ದಿತು. ಈ ಸುಂದರಿಯ ಹೆಸರೇ ಖಿರೋಜಾಬೀಬಿ.
ಖಿರೋಜೆಯು ಕಪಟವೇಷಧಾರಿಯಾದ ದೇವೇಂದ್ರನ ಇದಿರಿಗೆ ಬಂದುನಿಂತು-ತಾವು ಯಾರು? ಮಹಾಶಯ ಯಾರನ್ನು ಹುಡುಕಿಕೊಂಡು ಬಂದಿರುವಿರಿ ? ಎಂದು ಕೇಳಿದನು.
ದೇ_ಇಲ್ಲಿ ಕಬೀರುರ್ದ್ದೀ ಎಂಬುವರು ಯಾರಾದರೂ ಇರುವರೇ?
ಖಿ_ಅಹುದು ಮಹಾಶಯ, ಇರುವುದೇನೋ ನಿಜ. ದೇ_ಆತನನ್ನು ನಾನು ಈಗ ನೋಡಲು ಸಾಧ್ಯವೇ ?
ಖಿ_ಆಗಲಾರದು. ಅವನು ಎಲ್ಲಿಗೋ ಹೋಗಿ ಐದಾರು ದಿನಗಳಾದುವು. ಆತನು ಇನ್ನೂ ಹಿಂದಿರುಗಿ ಬಂದಿಲ್ಲ. ಆತನು ಹೊರಟು ಹೋದಮೇಲೆ ಆತನ ತಂಗಿಯೊಬ್ಬಳು ಇಲ್ಲಿಗೆ ಬಂದಿರುವಳು; ಆಕೆಯು ತನ್ನ ಅಣ್ಣನನ್ನು ನೋಡಬೇಕೆಂದು ಇಂದಿನವರೆಗೂ ನಿರೀಕ್ಷಿಸಿ ಕೊಂಡಿರುವಳು. ದೇ_ಕಬೀರನು ಆವಾಗ ಹಿಂದಿರುಗಿ ಬರುವನೆಂಬು
