ಚತುರ್ಥಾಶ್ವಾಸಂ
ಕಂ|| ಶ್ರೀಸುದತಿ ತನ್ನುರಸ್ಸರ
ಸೀ ಸದನದೊಳಿರ್ದು ಪಾತ್ರದಾನ ವಿನೋದ||
ವ್ಯಾಸಂಗಮನೊದವಿಸೆ ಸೌ
ಖ್ಯಾಸೀನಂ ಪೆಂಪುವೆತ್ತನಭಿನವಪಂಪಂ||೧||
ಅನ್ನೆಗಮಿತ್ತಲ್‌--
ಕಂ|| ಮಿಥಿಳಾ ಪುರಾಧಿನಾಥಂ
ಪ್ರಥಿತಯಶ೦ ಜನಕನಾಮಹೀಭುಜನ ಮನೋ||
ರಥ ಭೂಮಿ ವಿದೇಹಿಗದೇಂ
ಪೃಥು ಕುಚ೧ಯುಗದೊಡನೆ ೨ಕೊರ್ವುವಡೆದುದೊ ಮಧ್ಯಂ||೨||
ಶಶಿಕಾಂತ ಮುಕುರದಂತಿರೆ
ಶಶಿಮುಖಿಯ ಕದ೦ಪುಗಳ್ ಬೆಳರ್ತುವು ಹರಿನೀ||
ಲ ಶಲಾಕೆಯಂತೆ ಬಾಸೆಗೆ
ವಿಶೇಷಮೆನೆ ಪಸರಿಸಿತ್ತು ಕರ್ಪೆಳವಸಿಳೊಳ್||೩||
ವಳಿರೇಖೆ ಮಸುಳೆ ಗರ್ಭ೦
ಬಳೆವುದುಮೊಡವಳೆದು ಸತಿಯ ಮಧ್ಯಂ ಚೆಲ್ವಂ||
ತಳೆದುದು ನಯನಾನಂದಮ
ನೆಳನೆರೆ ಪರಿಪೂರ್ಣಮಾದೊಡಂ ಪುಟ್ಟಪವೋಲ್||೪||
ಆ ಸಮಯದೊಳ್--
ಕಂ|| ಭವ ಭದ್ಧ ವೈರದಿಂ ಕಾ
ದು ವಿದೇಹಿಯ ಗರ್ಭಮಂ ನಿಶಾಚರನಿರ್ದ೦||
ವಿವಿಧೋಪಸರ್ಗವಂ ಪಡೆ
ಯವೆ ಮುಳಿಸಂ ಪಡೆವ ಮುಳಿವ ದುಶ್ಚರಿತಂಗಳ್||೫||
೧. ಭರ. ಗ. ಚ.
೨. ತೋರ್ಪು. ಗ
