ಪುಟ:27-Ghuntigalalli.pdf/೧೮

ವಿಕಿಸೋರ್ಸ್ ಇಂದ
Jump to navigation Jump to search
ಈ ಪುಟವನ್ನು ಪರಿಶೀಲಿಸಲಾಗಿದೆ


________________

೨೭ ಘಂಟೆಗಳಲ್ಲಿ

“........ ನನ್ನ ಹೆಂಡತಿಯೂ ಅಲ್ಲ. ” “ ಅದನ್ನು ನಾನಾಗಲೇ ಊಹಿಸಿದೆ.' “ ನನ್ನ ಬಗ್ಗೆ ನೀವು ತಪ್ಪು ಅಭಿಪ್ರಾಯವಿಟ್ಟು ಕೊಂಡಿದ್ದೀರಿ.” “ ನಾನ್ಯಾವ ಅಭಿಪ್ರಾಯಾನೂ ವ್ಯಕ್ತಪಡಿಸಲಿಲ್ಲವಲ್ಲ ? ಅದೂ ಅಲ್ಲದೆ ನಿಮ್ಮ ಗೊಡವೆ ನನಗೇಕೆ ? ನೀವು ತಾನೇ ಇದನ್ನೆಲ್ಲ ನನಗೆ ಹೇಳಬೇಕಾದ ಪ್ರಮೇಯವೇನು ? ”

  • ಹಾಗಲ್ಲ ! ನಾನು ಯಾವುದೋ ಹುಡುಗೀನ ಅಪಹರಿಸಿ ಕೊಂಡು ಹೋಗ್ತಿದ್ದಿ ನೀಂತ ನೀವೆಲ್ಲಾದರೂ ಭಾವಿಸಿಕೊಂಡಿರೋ ಏನೋ೦ತ.......

  • ಯಾರೇನು ಭಾವಿಸಿದರೆ ತಾನೇ ನಿಮಗೇನು ನಷ್ಟ.”

“ ಅದು ಸರಿ ! ನನಗೇನೂ ಅವರಿಂದ ನಷ್ಟವಿಲ್ಲ. ಆದರೆ ಈ ಹುಡುಗಿ ನನ್ನ ಕುತ್ತಿಗೆಗೆ ಒಂದು ಹೊರಳುಕಲ್ಲು ಗಂಟುಬಿದ್ದ ಹಾಗೆ ಬಿದ್ದಿದ್ದಾಳೆ. ಊರೂರು ಸುತ್ತೋ ನಿಮಗೆ ನಾನೇನು ಹೇಳಬೇಕಾ ಗಿಲ್ಲವಲ್ಲ, ನಿಮಗೆ ಯಾವಳಾದರೊಬ್ಬ ಹುಡುಗಿ ಕಣ್ಣಿಗೆ ಬೀಳ್ತಾಳೆ ; ಅವಳಿಗೂ ನಿಮ್ಮ ಮೇಲೆ ಮನಸ್ಸು ಬೀಳುತ್ತೆ; ನೀವೂ ಅವಳನ್ನ * ಲೈಕ್ ಮಾಡ್ತೀರಿ, ಅದರಿಂದ ಒಂದು 'ಟೆಂಪರರಿ ಫ್ರೆಂಡ್ಷಿಪ್' ಬೆಳೆಯುತ್ತೆ. ಆದರದು ಬೈಂಡಿಂಗ್ ' ಆಗೊಲ್ಲ. ಹಾಗೆ ಇದೊಂದು ನನ್ನ ಅನುಭವ. ಅವಳನ್ನ ಮದುವೆ ಮಾಡಿಕೊಳ್ಳಬೇಕಂತೆ. ಅದು ನನ್ನಿಂದ ಅಸಾಧ್ಯ.” “ ಇದನ್ನೆಲ್ಲಾ ನನಗೇಕೆ ಹೇಳೀರಿ ? ನಿಮ್ಮ ಸಂಬಂಧ, ಅಥವಾ ನಿಮ್ಮ ಕಷ್ಟ-ನಿಷ್ಟೂಡಗಳನ್ನು ಕಟ್ಟಿಕೊಂಡು ನನಗೇನಾಗಬೇಕಾಗಿದೆ ?” “ ನಿಮ್ಮಿಂದ ನನಗೊಂದುಪಕಾರವಾಗಬೇಕಿದೆ. ಅದರಿ೦ದ ಇಷ್ಟೆಲ್ಲ......