ಈ ಪುಟವನ್ನು ಪರಿಶೀಲಿಸಲಾಗಿಲ್ಲ.
________________
est ಮಂದಮಾರುತವಾಗಿ ತೇಲಿ ಬಾರೆ - ಹರಿವ ಹೊಳೆಯಾಗಿ ನೀ ಸಾಗಿ ಬಾರೆ. ಭೋರ್ಗರೆವ ಮಳೆಯಾಗಿ ಮೊರೆದು ಬಾರೆ ನಿನಗೆ ಸುಸ್ವಾಗತವು ಗುರುವೆ ಬಾರೆ.
- ಜೆ. ಕೆಪ್ರಾಣೇಶಾಚಾರ
೫. ಕನ್ನಡ ನುಡಿ ಎನಿತು ಇನಿದು ಈ ಕನ್ನಡ ನುಡಿಯು ಮನವನು ತಣಿಸುವ ಮೋಹನ ಸುಧೆಯು ! ಗಾನವ ಬೆರೆಯಿಸಿ ವೀಣೆಯ ದನಿಯೊಳು ವಾಣಿಯ ನೇವುರ ನುಡಿಸುತೆ ಕುಣಿಯಲು ಮಾಣದೆ ಮೆರೆಯುವ ಮಂಜುಲ ರವವೋ ? ಎನಿತು ಇನಿದು ಈ ಕನ್ನಡ ನುಡಿಯು ? ರಂಗನ ಮುರಲಿಯ ಹಿಂಗದ ಸರದಲಿ ಹೆಂಗಳೆಯರು ಬೆಳ ದಿಂಗಳಿನಿರುಳಲಿ ಸಂಗೀತವನೊರೆದಂಗವಿದೇನೋ ? ಎನಿತು ಇನಿದು ಈ ಕನ್ನ ಡ ನುಡಿಯು ! ಗಿಳಿಗಳು ಉಲಿಯುವ ಮೆಲುಮಾತುಗಳೋ ? ಕಳಕಂಠಗಳಾ ಚೆಲುವಿನ ಕುಕಿಲೋ ? ಅಳಿಗಳ ಬಳಗದ ಬೆಳಗಿನ ಉಲಿಯೋ ? ಎನಿತು ಇನಿದು ಈ ಕನ್ನಡ ನುಡಿಯು. ಆನಂದಕಂದ (ಕೃಷ್ಣ ಶರ್ಮ ಬೆಟಗೇರಿ) ೬. ಕನ್ನಡ ತನ್ನ ದು ಎಂಬುದು ಏನಿಲ್ಲೆ ಕನ್ನಡ ನುಡಿಯಲಿ ಹುರುಳಿಲ್ಲೆ? || ಪ ||