________________
ನೀನು ನೆಲಸಿದ ಕಾಡು ಮಾನಿಸುವರ ನಾಡು ಧ್ಯಾನಿಸುವರೆ, ನಿನ್ನ ಹಾಡಿ ಹಾಡು ಈ ನಾಡಿನೊಳು ಮಾಡು ಪ್ರಾಣಪುತ್ರರ ಬೀಡು ಏನು ನಂದನದ ಪಾಡು ! ಅಂಬಿಕಾತನಯದತ್ತ ( ದ. ರಾ. ಬೇಂದ್ರೆ) ೧೩. ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು (ರಾಗ: ಬಾಗೇಶ್ರೀ ; ತಾಳ: ಝಂಪೆ) ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು ಬದುಕು ಬಲುಹಿನ ನಿಧಿಯು ಸದಭಿಮಾನದ ಗೂಡು || ಪ | ರಾಜನ ರಿಪು ಪರಶುಧರನ ಜನನಿಯ ನಾಡು ಆ ಜಲಧಿಯನೆ ಜಿಗಿವ ಹನುಮನುದಿಸಿದ ನಾಡು ಓಟೆಯಂ ಮಾರಿದರಸುಗಳ ಸಾಸದ ನಾಡು | ತೇಜವನು ನನಗೀವ ವೀರವೃಂದದ ಬೀಡು ಲೆಕ್ಕಿಗ ಮಿತಾಕ್ಷರರು ಬೆಳೆದು ಮೆರೆದಿಹ ನಾಡು ಜಕ್ಕಣನ ಶಿಲ್ಪಿ ಕಲೆಯಚ್ಚರಿಯ ಕರುನಾಡು ಚೊಕ್ಕ ಮತಗಳ ಸಾರಿದವರಿಗಿದು ನೆಲೆವೀಡು ಬೊಕ್ಕಸದ ಕಣಜ ಜಯಸಿರಿಯು ನಲಿಯುವ ನಾಡು ಸಾವನೆಯರಾ ಕೃಷ್ಣ ಭೀಮೆಯರ ತಾಯ್ತಾ ಡು ಕಾವೇರಿ ಗೋವೆಯರು ಮೈ ಮೊಳೆವ ನಲುನಾಡು ಆವಗಂ ಬಗೆಯ ನಗಿಸುವ ಕಬ್ಬಿಗರ ಹಾಡು ಕಾವ ಗದುಗಿನ ವೀರನಾರಾಯಣನ ಬೀಡು ಹುಯಿಲಗೋಳ ನಾರಾಯಣರಾಯರು ೧೪. ಅರುಣೋದಯ ಕನ್ನಡ ನಾಡಿನ ಮು೦ಬಾನೋಳು ಚೆ೦ ಬಣ್ಣದ ಬೆಳಕು ಇದೇ ತರದು ? ಹೊನ್ನ ಗದಿರ ಬರಲಿಹನೆಂದೊರೆಯಲು ಮುನ್ನ ವೆ ಬಂದರುಣನದೆ ಇದು ? ನನ್ನಿ ಯು ! ನಿಜ ! ಅರುಣನದೆ ಇದು !
