ಈ ಪುಟವನ್ನು ಪರಿಶೀಲಿಸಲಾಗಿದೆ
ಶತಮಾನ] ಬೊಂಬೆಯಲಕ್ಕಿ. 231
ತ್ಕರಮಸುಖಕ್ಕೆ ಕಾರಣವಿದೆಂದಯಿದುಂ ಭವಸಿದ್ಧ ಪಂಜರೋ |
ದರಗತರೇಕೆ ಚಿಂತಿಸುವರೇಕೆ ಪಲುಂಬವರೇಕೆ ನೋವರೋ' ||
-- -
ಬೊಂಬೆಯಲಕ್ಕ . 1538
ಇವನು ಹರಿಶ್ಚಂದ್ರಸಾಂಗತ್ಯವನ್ನು ಬರೆದಿದ್ದಾನೆ. ಈತನು ವೀರ
ಶೈವಕವಿಯೆಂದು ತೋರುತ್ತದೆ. ಈ ಗ್ರಂಥವನ್ನು ಶಕ 1460 ನೆಯ
ವಿಳಂಬಿಯಲ್ಲಿ ಎಂದರೆ 1538ರಲ್ಲಿ ರಚಿಸಿದಂತೆ ಹೇಳುತ್ತಾನೆ.
ಇವನ ಗ್ರಂಥ
ಹರಿಶ್ಚಂದ್ರಸಾಂಗತ್ಯ
ಸ್ಥಲ 5, ಪದ್ಯ 570. ಇದರಲ್ಲಿ ಹರಿಶ್ಚಂದ್ರನ ಕಥೆ ಹೇಳಿದೆ. ಈ
ಕಥೆ "ಸತ್ಯದ ನೆಲೆ ಮುಕ್ತಿಯ ಬೀಡು ಪುಣ್ಯದ ಕೀರ್ತಿಯ ತಲೆವನೆ"
ಎಂದು ಕವಿ ಹೇಳುತ್ತಾನೆ. ಗ್ರಂಧಾವತಾರದಲ್ಲಿ ವಿರೂಪಾಕ್ಷಸ್ತುತಿಯೂ
ಬಳಿಕ ಗಣೇಶ ಸರಸ್ವತಿಯರ ಸ್ತುತಿಯೂ ಇವೆ. ಈ ಗ್ರಂಥದಿಂದ ಕೆಲವು
ಪದ್ಯಗಳನ್ನು ತೆಗೆದು ಬರೆಯುತ್ತೇವೆ.-
ಚಂದ್ರಮತಿ
ಅಡಕೆಗೆ ಹರಣವ ತೊರೆವರು ಸತಿಯರು | ನುಡಿವರು ಸಕಲಬೋಧೆಗಳ |
ಬಿಡದೆ ಲೋಭಗಳನು ಮೆರೆವರು ಅವಗುಣ | ಕಡೆಗಿನಿಂತಿಲ್ಲ ಚಂದ್ರಮತಿಗೆ ||
ಹರಿಶ್ಚಂದ್ರನ ಉಕ್ತಿ
ಹೆತ್ತ ತಾಯನು ಮಾರ ತೊತ್ತ ಕೊಂಬವನಂತೆ | ಮತ್ತಾದೇವಪೂಜೆಯನು |
ಇತ್ತು ನಾಯನು ಕೊಂಬ ಗಾದೆಯಂದದಿ ಜೀಯ | ಸತ್ಯವ ಬಿಡಲೊಲ್ಲೆನೆಂದ ||
ಪೊಡವಿ ನುಂಗುವರೆ ಬಯಲು ಬಡಿವರೆ ಎ | ನ್ನೊಡಲೊಳಗುಂಬಶನವು |
ಬಿಡದೆ ನಂಜಾಗಿ ಮುನಿಯೆ ಇನ್ನು ಲೋಕದಿ | ತಡೆವವರಾರು ಹೇಳೆಂದ ||
ಬಚ್ಚಲುದಕ ತಿಳಿದಿರಲು ಮಜ್ಜನವುಂಟೆ | ಅಚ್ಚರಿನಾಯ ಹಾಲುಗಳು |
ನಿಶ್ಚಯವಾದ ಊಟಕೆ ನಿಮ್ಮ ಯೌವನ | ಮಚ್ಚೇನು ಇನಕುಲಜರಿಗೆ ||
---
1. ಈ ನಾಲ್ಕು ಪದ್ಯಗಳಿಗೂ ಆಕರ ಹೇಳಿಲ್ಲ.
