ಪ್ರೇಮಾನುಬಂಧ - ಹೊಸ ಹೊಸ ಬಯಕೆಯ

ಚಿತ್ರ: ಪ್ರೇಮಾನುಬಂಧ
ಸಾಹಿತ್ಯ: ಚಿ.ಉದಯಶಂಕರ್
ಗಾಯಕರು: ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಮತ್ತು ಎಸ್.ಜಾನಕಿ
ಸಂಗೀತ: ರಾಜನ್-ನಾಗೇಂದ್ರ

---

ಹೊಸ ಹೊಸ ಬಯಕೆಯ ಮಿಂಚಿನಲ್ಲೀ
ಮುದ್ದು ಮುದ್ದು ಮಾತಿನ ಮಳೆಯಲೀ
ಛಳಿಯಾ ನೀನು ತಂದೇ
ಸನಿಹಾ ನಾನು ಬಂದೇ

ನಾ ನಿನ್ನ ನೋಡಿದಾಗಾ ನೀ ನನ್ನ ಸೋಕಿದಾಗಾ
ಇಂಥಾ ಸಂತೋಷವೇಕೇ..

ಹೊಸ ಹೊಸ ಬಯಕೆಯ ಮಿಂಚಿನಲ್ಲೀ
ಮುದ್ದು ಮುದ್ದು ಮಾತಿನ ಮಳೆಯಲೀ
ಛಳಿಯಾ ನೀನು ತಂದೇ
ಸನಿಹಾ ನಾನು ಬಂದೇ
....||ಪಲ್ಲವಿ||

ಚಲುವಾದ ಕೆನ್ನೆಯೇತಕೇ ನಸುಗೆಂಪಗಾಗಿದೇ
ಮೃದುವಾದ ತುಟಿಗಳೇತಕೇ ಬಳಿ ನನ್ನ ಕೂಗಿದೇ
ಪ್ರೇಮದಾ ಚಲ್ಲಾಟಕೇ ಉಲ್ಲಾಸ ತುಂಬಿ ಬಂದೂ

ಮನಸಾರ ನನ್ನ ಪ್ರೀತಿಸೂ ಸಂಗಾತಿ ಎಂದಿದೇ
ಸವಿಯಾದ ಒಂದು ಕಾಣಿಕೇ ಕೊಡು ಎಂದು ಬೇಡಿದೇ
ನಲ್ಲೆಯಾ ಸವಿ ಮಾತಿಗೇ ಬೆರಗಾಗಿ ಸೋತೆನಿಂದೂ
ಬೆರಗಾಗಿ ಸೋತೆನಿಂದೂ
.... ||ಹೊಸ ಹೊಸ||

ನೀನಾಡೊ ಮಾತು ಕೇಳುತಾ ನೂರಾಸೆ ನನ್ನಲೀ
ತಾನಾಗೆ ಮೂಡಿ ಬಂದಿತೂ ಈಗೇನು ಮಾಡಲೀ
ಆಸೆಯಾ ಪೂರೈಸಲೂ ನಾನಿಲ್ಲಿ ಇಲ್ಲವೇನೂ

ಒಲವಿಂದ ಬಳಸು ನನ್ನನೂ ಹಿತವಾಗಿ ತೋಳಲೀ
ಸೊಗಸಾದ ಕನಸೂ ಕಾಣುವೇ ಈ ನನ್ನ ಬಾಳಲೀ
ಹೀಗೆಯೆ ಅನುಗಾಲವೂ ಜೊತೆಯಾಗಿ ಇರುವೆ ನಾನೂ
ಜೊತೆಯಾಗೆ ಇರುವೆ ನಾನೂ
....||ಹೊಸ ಹೊಸ||

ಕನ್ನಡ ವಿಕಿಸೋರ್ಸ್

ಹಳಗನ್ನಡ ಸಾಹಿತ್ಯ| ಪಂಪಭಾರತ |ಜೈಮಿನಿ ಭಾರತ |ಕುಮಾರವ್ಯಾಸ ಭಾರತ | ನಾಡಗೀತೆಗಳು | ಜನಪದ ಸಾಹಿತ್ಯ | ಚಲನಚಿತ್ರ ಸಾಹಿತ್ಯ | ಭಾವಗೀತೆಗಳು | ಭಕ್ತಿಗೀತೆಗಳು | ದಾಸ ಸಾಹಿತ್ಯ | ವಚನ ಸಾಹಿತ್ಯ | ತಾತ್ವಿಕ ಸಾಹಿತ್ಯ | ಭಗವದ್ಗೀತೆ |
ಮಂಕುತಿಮ್ಮನ ಕಗ್ಗ | ಶಿಶು ಸಾಹಿತ್ಯ | ಕವನ ಸಂಕಲನಗಳು | ಸಂಪ್ರದಾಯ ಗೀತೆಗಳು |ಮಂಕುತಿಮ್ಮನ ಕಗ್ಗ| ಜೀವನ ಚರಿತ್ರೆ|ಸ್ತೋತ್ರಗಳು|ಸಂಸ್ಕೃತ ಸಾಹಿತ್ಯ