ಇಂದು ಎನಗೆ ಗೋವಿಂದ
(ಶ್ರೀ ಕೃಷ್ಣ - ಇಂದು ಎನಗೆ ಗೋವಿಂದ ಇಂದ ಪುನರ್ನಿರ್ದೇಶಿತ)
ಇಂದು ಎನಗೆ (ಶ್ರೀ)ಗೋವಿಂದ ನಿನ್ನ ಪಾದಾರವಿಂದವ ತೋರೋ ಮುಕುಂದನೆ |
ಸುಂದರ ವದನನೇ ನಂದಗೋಪನ ಕಂದ ಇಂದಿರ ರಮಣ || ಪ ||
ನೊಂದೆನಯ್ಯ ನಾ ಭವಬಂಧನದೊಳು ಸಿಲುಕಿ |
ಮುಂದೆ ದಾರಿ ಕಾಣದೇ ಕುಂದಿದೆ ಜಗದೊಳು |
ಕಂದನಂತೆಂದೆನ್ನ ಕುಂದುಗಳೆಣಿಸದೆ |
ತಂದೆ ಕಾಯೋಕೃಷ್ಣ ಕಂದರ್ಪ ಜನಕನೇ || ೧ ||
ಮೂಢತನದೀ ಬಲುಹೇಡಿಜೀವನನಾಗಿ |
ದೃಢಭಕ್ತಿಯನ್ನು ಮಾಡಲಿಲ್ಲವೊ ಹರಿಯೇ |
ನೋಡಲಿಲ್ಲವೊ ನಿನ್ನ ಪಾಡಲಿಲ್ಲವೊ ಮಹಿಮೇ |
ಗಾಡಿಕಾರ ಕೃಷ್ಣ ಬೇಡಿಕೊಂಬೆ(ಡೆ)ನೊ ನಿನ್ನ || ೨ ||
ಧಾರುಣಿಯೊಳು ಬಹುಭಾರ ಜೀವನನಾಗಿ |
ದಾರಿತಪ್ಪಿ ನಡದೆ ಸೇರಿದೇ ಕುಜನರ |
ಆರು ಕಾಯುವರಿಲ್ಲ ಸೇರಿದೇ ನಿನಗಯ್ಯ |
ಧೀರ ವೇಣುಗೋಪಾಲ ಪಾರುಗಾಣಿಸೊ ಹರಿಯೇ || ೩ ||
ಇಂದು ಎನಗೆ (ಶ್ರೀ)ಗೋವಿಂದ ನಿನ್ನ ಪಾದಾರವಿಂದವ ತೋರೋ ಮುಕುಂದನೆ |
ಸುಂದರ ವದನನೇ ನಂದಗೋಪನ ಕಂದ ಇಂದಿರ ರಮಣ ||
ಆಲಾಪನ
[ಸಂಪಾದಿಸಿ]- ರಾಘವೇಂದ್ರ ಮಹಿಮೆ ಚಿತ್ರಕ್ಕಾಗಿ ಪಿ. ಬಿ ಶ್ರೀನಿವಾಸ ಅವರು ಆಲಾಪಿಸಿದ ಪದ, ಯೂಟ್ಯೂಬ್ ನಲ್ಲಿ
- 'ಶ್ರೀರಾಘವೇಂದ್ರ ವೈಭವ ಚಿತ್ರದಲ್ಲಿನ ಪದ, ಯೂಟ್ಯೂಬ್ ನಲ್ಲಿ
- indu enage govinda s janaki