ಸಜ್ಜನ-ದುರ್ಜನ

ಸತ್ಯರಾ ನುಡಿ ತೀರ್ಥ ನಿತ್ಯರಾ ನಡೆ ತೀರ್ಥ
ಉತ್ತಮರ ಸಂಗವದು ತೀರ್ಥ ಹರಿವ ನೀ
ರೆತ್ತಣದು ತೀರ್ಥ ಸರ್ವಜ್ಞ ||

ಒಳ್ಳಿದರ ಒಡನಾಡಿ ಕಳ್ಳನೊಳ್ಳಿದನಕ್ಕು
ಒಳ್ಳಿದ ಕಳ್ಳರೊಡನಾಡಿ ಅವ ಶುದ್ಧ
ಕಳ್ಳ ತಾನಕ್ಕು ಸರ್ವಜ್ಞ ||

ನೀಚರಾ ನೆರೆಯಿಂದ ಈಚಲದ ಮರ ಲೇಸು
ಈಚಲೊಂದೆಡೆಗೆ ಉಪಕಾರಿ; ನೀಚನು
ಈಚಲಿಂ ಕಷ್ಟ ಸರ್ವಜ್ಞ ||

ದಂತಪಂಕ್ತಿಯ ನಡುವೆ ಎಂತಿರ್ಪುದು ಜಿಹ್ವೆ
ಅಂತು ದುರ್ಜನರ ಬಳಸಿನಲಿ ಸಜ್ಜನನು
ನಿಂತಿರ್ದ ನೋಡು ಸರ್ವಜ್ಞ ||

v t e ಕನ್ನಡ ವಿಕಿಸೋರ್ಸ್ ವಿಷಯಗಳು
ಮಹಾಕಾವ್ಯಗಳು	ಪಂಪಭಾರತ ಜೈಮಿನಿ ಭಾರತ ಕುಮಾರವ್ಯಾಸ ಭಾರತ
ಸಾಹಿತ್ಯ ಪ್ರಕಾರಗಳು	ಹಳಗನ್ನಡ ಸಾಹಿತ್ಯ ಜನಪದ ಸಾಹಿತ್ಯ ದಾಸ ಸಾಹಿತ್ಯ ವಚನ ಸಾಹಿತ್ಯ ತಾತ್ವಿಕ ಸಾಹಿತ್ಯ ಸಂಸ್ಕೃತ ಸಾಹಿತ್ಯ
ಗೀತೆಗಳು & ಕವನ	ನಾಡಗೀತೆಗಳು ಭಾವಗೀತೆಗಳು ಭಕ್ತಿಗೀತೆಗಳು ಸಂಪ್ರದಾಯ ಗೀತೆಗಳು ಕವನ ಸಂಕಲನಗಳು
ಪ್ರಮುಖ ಕೃತಿಗಳು	ಭಗವದ್ಗೀತೆ ಮಂಕುತಿಮ್ಮನ ಕಗ್ಗ ಮಂಕುತಿಮ್ಮನ ಕಗ್ಗ (ವಿಷ್ಣು ಸ್ತುತಿ)
ಇತರೆ	ಶಿಶು ಸಾಹಿತ್ಯ ಸರ್ವಜ್ಞ ಜೀವನ ಚರಿತ್ರೆ ಸ್ತೋತ್ರಗಳು