ಹೊಸ ಬೆಳಕು - ಹೊಸ ಬೆಳಕು ಮೂಡುತಿದೆ

ವಿಕಿಸೋರ್ಸ್ ಇಂದ
Jump to navigation Jump to search

ಚಿತ್ರ: ಹೊಸ ಬೆಳಕು
ಸಾಹಿತ್ಯ: ಚಿ. ಉದಯಶಂಕರ್
ಸಂಗೀತ: ರಂಗ ರಾವ್ ಎಲ್. ಎಂ.
ಗಾಯನ: ಡಾ|ರಾಜ್ ಕುಮಾರ್


ಹೊಸ ಬೆಳಕು.. ಮೂಡುತಿದೆ..
ಬಂಗಾರದ.. ರಥವೇರುತ
ಆಕಾಶದಿ.. ಓಡಾಡುತ
ಅತ್ತ-ಇತ್ತ ಸುತ್ತ-ಮುತ್ತ ಚೆಲ್ಲಿದಾ..
ಕಾಂತಿಯಾ.. ರವಿ ಕಾಂತಿಯಾ!

ಬಳ್ಳಿಯಲ್ಲಿ ಮೊಗ್ಗು ಹಿಗ್ಗಿ ನಗುತಲಿದೆ
ತಣ್ಣನೆ ಗಾಳಿ.. ಪರಿಮಳ ಹೀರಿ
ಅಲ್ಲಿ-ಇಲ್ಲಿ ಹೂವ ಕಂಪ ಹರಡುತಲಿದೆ |೨|

ಹಕ್ಕಿ ಮುಗಿಲನ್ನು ನೋಡಿ
ಬೆಳಕು ಬಂತೆಂದು ಹಾಡಿ |೨|

ರೆಕ್ಕೆ ಬಿಚ್ಚಿ ಮೇಲೆ ಚಿಮ್ಮಿ ಬಾನಿಗೆ..
ಹಾರಿದೆ!

ಹೊಸ ಬೆಳಕು.. ಮೂಡುತಿದೆ..

ಬೆಟ್ಟದಿಂದ ನೀರು ಜಾರಿ ಧುಮುಕುತಿದೆ
ಸಾಗರ ಸೇರೊ ಆಸೆಯ ತೋರಿ..
ಗಾಳಿಯಂತೆ ವೇಗವಾಗಿ ಹರಿಯುತಲಿದೆ |೨|

ಬೆಳ್ಳಿ ಬೆಳಕನ್ನು ನೋಡಿ
ಮಂಜು ಮರಿಯಾಗಿ ಓಡಿ |೨|

ಎಲೆಯ ಮರೆಯ ಸೇರಿ ನಲಿವ ಕೋಗಿಲೆ..
ಹಾಡಿದೆ!

ಹೊಸ ಬೆಳಕು.. ಮೂಡುತಿದೆ..
ಬಂಗಾರದ.. ರಥವೇರುತ
ಆಕಾಶದಿ.. ಓಡಾಡುತ
ಅತ್ತ-ಇತ್ತ ಸುತ್ತ-ಮುತ್ತ ಚೆಲ್ಲಿದಾ..
ಕಾಂತಿಯಾ.. ರವಿ ಕಾಂತಿಯಾ!


ಕನ್ನಡ ವಿಕಿಸೋರ್ಸ್[ಸಂಪಾದಿಸಿ]

ಹಳಗನ್ನಡ ಸಾಹಿತ್ಯ| ಪಂಪಭಾರತ |ಜೈಮಿನಿ ಭಾರತ |ಕುಮಾರವ್ಯಾಸ ಭಾರತ | ನಾಡಗೀತೆಗಳು | ಜನಪದ ಸಾಹಿತ್ಯ | ಚಲನಚಿತ್ರ ಸಾಹಿತ್ಯ | ಭಾವಗೀತೆಗಳು | ಭಕ್ತಿಗೀತೆಗಳು | ದಾಸ ಸಾಹಿತ್ಯ | ವಚನ ಸಾಹಿತ್ಯ | ತಾತ್ವಿಕ ಸಾಹಿತ್ಯ | ಭಗವದ್ಗೀತೆ |
ಮಂಕುತಿಮ್ಮನ ಕಗ್ಗ | ಶಿಶು ಸಾಹಿತ್ಯ | ಕವನ ಸಂಕಲನಗಳು | ಸಂಪ್ರದಾಯ ಗೀತೆಗಳು |ಮಂಕುತಿಮ್ಮನ ಕಗ್ಗ|ಜೀವನ ಚರಿತ್ರೆ